നിരവധിക്കണക്കിന് ആരാധകരെ ചുരുങ്ങിയ സമയം കൊണ്ട് നേടിയെടുത്ത നടിയാണ് അനു സിതാര. വളരെ ചുരുങ്ങിയ കാലം കൊണ്ട് നിരവധി നായികവേഷങ്ങൾ കൈകാര്യം ചെയ്ത് മലയാളിയുടെ മനസ്സിൽ ചേക്കേറിയ താരം കൂടിയാണ് അനു. 2013 ൽ സുരേഷ് അച്ചൂസ് സംവിധാനം ചെയ്ത പൊട്ടാസ് ബോംബ് എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന താരമാണ് അനു. ചെറിയ വേഷങ്ങളിലൂടെ കഴിവു തെളിയിച്ച ഈ കലാകാരി ഹാപ്പി വെഡ്ഡിങ്, ഫുക്രി, രാമന്റെ ഏദൻതോട്ടം, ക്യാപ്റ്റൻ, ഒരു കുട്ടനാടൻ ബ്ലോഗ് തുടങ്ങി ഇരുപതോളം സിനിമകളിൽ നായികയായി. മണിയറയിലെ അശോകനിലാണ് പ്രേക്ഷകർ അവസാനമായി അനു സിത്താരയെ സ്‌ക്രീനിൽ കണ്ടത്.
തന്റെ ഫോട്ടോഷൂട്ടുകളും ഡാൻസ് വീഡിയോകളും സോഷ്യൽ മീഡിയ വഴി പങ്ക് വെക്കാറുള്ള അനു പോസ്റ്റ് ചെയ്ത പുതിയ ഫോട്ടോയിൽ ഉണ്ണി മുകുന്ദൻ ഇട്ട കമന്റാണ് ഇപ്പോൾ ശ്രദ്ധേയമാകുന്നത്. ബ്ലാക്ക് ഡ്രെസ്സിൽ എത്തിയിരിക്കുന്ന താരത്തിന്റെ ഫോട്ടോക്ക് ‘മൊണാലിസ ലൈറ്റ്’ എന്നാണ് ഉണ്ണി മുകുന്ദൻ കമന്റിട്ടത്. അതിന് ഒരു ഇമോജിയിലൂടെ നടി മറുപടിയും കൊടുത്തിട്ടുണ്ട്.
