മലയാളികളുടെ പ്രിയപ്പെട്ട നടനാണ് ഉണ്ണി മുകുന്ദൻ. തമിഴ് സിനിമയിലൂടെ അരങ്ങേറ്റം കുറിച്ച ഉണ്ണിമുകുന്ദൻ വളരെ പെട്ടെന്ന് തന്നെ മലയാളസിനിമയിലേക്ക് എത്തി. മമ്മൂട്ടി നായകനായെത്തിയ ബോംബെ മാർച്ച് 12 എന്ന ചിത്രത്തിലൂടെയാണ് മലയാള സിനിമയിൽ ഉണ്ണി മുകുന്ദൻ അരങ്ങേറ്റം കുറിച്ചത്. മല്ലുസിംഗ് എന്ന ചിത്രമാണ് ഉണ്ണിമുകുന്ദനെ കൂടുതൽ ശ്രദ്ധേയനാക്കിയത്. ഇന്നലെ താരം തന്റെ ജന്മദിനം ആഘോഷിക്കുകയായിരുന്നു. ജന്മദിനത്തിൽ ഫാൻസിന്റെ വക അടിപൊളി ഞെട്ടിക്കുന്ന സമ്മാനമാണ് ഉണ്ണിമുകുന്ദനെ തേടിയെത്തിയത്. ഉണ്ണിയുടെ ആദ്യത്തെ ബൈക്ക് ആയ പൾസർ മോഡിഫൈ ചെയ്തു ഉണ്ണിക്ക് സമ്മാനിച്ചിരിക്കുകയാണ് ഉണ്ണി മുകുന്ദൻ ഫാൻസിലെ ചിലർ. ഫാൻസിലെ ഒരു പയ്യന് വണ്ടി ഇല്ല എന്നും അവനു ജോലി ആവശ്യത്തിനായി വണ്ടി നൽകാമോ എന്ന് ചോദിച്ചു ആണ് ഉണ്ണിയുടെ പഴയ ബൈക്ക് ഫാൻസ്‌ അസോസിയേഷനിലെ രഞ്ജിത് എന്നൊരാൾ രണ്ടു വർഷത്തിന് മുൻപ് ഉണ്ണിയുടെ അടുത്ത് എത്തി വാങ്ങിച്ചത്. ഒരു ബൈക്ക് പ്രേമി ആയിരുന്നു ഉണ്ണിമുകുന്ദൻ. അതിനാൽ തന്നെ താരം എങ്ങനെ പ്രതികരിക്കും എന്ന് അറിയില്ലായിരുന്നു എന്നും എന്നാൽ താരത്തിന്റെ പ്രതികരണം തന്നെ വളരെ ഞെട്ടിച്ചുവെന്നും രഞ്ജിത്ത് പറയുന്നു. ബ്രേക്ക് ചെക്ക് ചെയ്തിട്ട് എടുത്തോ എന്നായിരുന്നു ഉണ്ണിയുടെ മറുപടി. സോഷ്യൽ മീഡിയ അക്കൗണ്ടിലൂടെ പോസ്റ്റ് ഇട്ടു കൊണ്ടാണ് രഞ്ജിത്ത് ഇക്കാര്യം എല്ലാവരെയും അറിയിച്ചത്.
രഞ്ജിത്തിന്റെ പോസ്റ്റ്:
“നമസ്കാരം, ഞാൻ രഞ്ജിത്ത്. ഉണ്ണിമുകുന്ദൻ ഫാൻസിലെ ഒരു അംഗമാണ്…. ഇന്ന് ഏട്ടന്റെ പിറന്നാൾ ദിവസമായിട്ട്, ഞങ്ങൾ ഫാൻസ്‌ എല്ലാവരും ചേർന്ന് ഏട്ടന് ഒരു ഗിഫ്റ്റ് കൊടുത്തു…. ഏട്ടൻ ആദ്യമായിട്ട് മേടിച്ച പൾസർ 150cc ബൈക്ക് ഞങ്ങൾ മോഡിഫൈ ചെയ്ത് പുള്ളിക്കുതന്നെ രണ്ടു വർഷങ്ങൾക്കു ശേഷം തിരിച്ചു കൊടുത്തു. നിങ്ങൾ വിചാരിക്കുന്നുണ്ടാവും അത് എങ്ങനെയാ ഒരു ഗിഫ്റ്റ് ആവുന്നേന്ന്…ഞാൻ പറയാം… ഏകദേശം 2.5 വർഷങ്ങൾ മുൻപ് ഞാൻ ഉണ്ണിയേട്ടനോട് ഒരു കാര്യം പറഞ്ഞു. പറഞ്ഞത്… ഏട്ടാ നമ്മുടെ ഫാൻസിലെ ഒരു പയ്യന് ജോലിക്കു പോവാൻ കുറച്ചു ബുദ്ധിമുട്ടുണ്ട്.ബൈക്ക് ഇല്ലാത്തതാണ് വിഷയം.ഏട്ടന്റെ കുറേ ബൈക്ക് ഉണ്ടല്ലോ, ഉപയോഗം ഇല്ലാത്ത ഒരു ബൈക്ക് അവനു കൊടുക്കാമോ… ഞാൻ സൈഡിൽ നിൽക്കുന്ന പൾസർ ബൈക്കിനെ ചൂണ്ടി കാണിച്ചു…ഉണ്ണിയേട്ടൻ ഒരു വലിയ ബൈക്ക് പ്രേമിയാണ്. ഞാനും ഒരു ബൈക്ക് പ്രേമിയാണ്, and എല്ലാവരെയും പോലെ ഒരു മിഡിൽ ക്ലാസ്സ്‌ ഫാമിലിയിൽ വളർന്നവനാണ് ഞാൻ. ഉണ്ണിയേട്ടനും വളരെ സാധാരണ കുടുംബത്തിൽ നിന്നും കേറി വന്ന ആളാണ്. ഫസ്റ്റ് ബൈക്ക് എപ്പോഴും സ്പെഷ്യൽ ആണ് എല്ലാവർക്കും… അപ്പൊ ഞാൻ ഇപ്പൊ പറഞ്ഞ കാര്യം ഉണ്ണിയേട്ടൻ എങ്ങനെ എടുക്കും എന്നു എനിക്ക് അറിയില്ലായിരുന്നു. ഉണ്ണിയേട്ടൻ ആകെ ഒരു കാര്യമേ പറഞ്ഞുള്ളു…. ബൈക്ക് കൊടുത്തോ ബ്രേക്ക് ചെക്ക് ചെയ്തിട്ട്. എനിക്ക് വിശ്വസിക്കാൻ കഴിഞ്ഞില്ല. അങ്ങനെ ഞങ്ങൾ ആ ബൈക്ക് എടുത്ത് പല സ്ഥലങ്ങളിലായി റിപ്പയർ ചെയ്തു, മോഡിഫൈ ചെയ്തു. ഉണ്ണിയേട്ടന്റെ ഫേവറിറ്റ് ബൈക്ക് ആണ്. പിന്നെ പുള്ളിക്ക് ഇഷ്ടമുള്ള സ്റ്റൈലും ആണ്. അങ്ങനെ ആ രണ്ടു വർഷത്തിനു ശേഷം ഫൈനലി ബൈക്ക് ഉണ്ണിയേട്ടന്റെ ഈ ബർത്ത്ഡേയ്ക്ക്, ഞങ്ങൾ ഫാൻസിലെ ഏട്ടന്റെ അനിയന്മാർക്ക്,ഉണ്ണിയേട്ടന് ഗിഫ്റ്റ് ആയി തിരിച്ചു കൊടുക്കാൻ സാധിച്ചു. ഒന്നും ചോദിക്കാതെ ബൈക്ക് തന്ന ഉണ്ണിയേട്ടന് ഞങ്ങൾ ഫാൻസിലെ അനിയന്മാരുടെ വക ഒരു big happy birthday, ഉമ്മ.P S: Bike will not be Used for Transportation purpose.its just a token of love from us to unniettan.peace”
