മലയാള സിനിമയിലെ യുവനടന്മാർ ഒട്ടുമിക്കവരും തന്നെ അവരുടെ ബോഡി വളരെ കൃത്യമായി വർക്ഔട്ട് ചെയ്‌തും മറ്റും ആരോഗ്യപൂർണമായി നിലനിർത്തുന്നവരാണ്. ഉണ്ണി മുകുന്ദൻ, ടോവിനോ തോമസ്, സിജു വിൽസൺ തുടങ്ങിയവരെല്ലാം അതിന് ഉദാഹരണമാണ്. പുതിയൊരു ചിത്രത്തിനായി ഉണ്ണി മുകുന്ദൻ ശരീരഭാരം കൂട്ടുകയും തടി വെക്കുകയും ചെയ്‌തിരുന്നു. മേപ്പടിയാന്‍ എന്ന തന്റെ പുതിയ ചിത്രത്തിനായി അദ്ദേഹം 20 കിലോയിലധികം ശരീരം ഭാരം വര്‍ധിപ്പിച്ചത് വാര്‍ത്തകളില്‍ ഇടം നേടിയിരുന്നു. ഇപ്പോഴിതാ അതെല്ലാം കുറച്ച്‌ പഴ രൂപത്തില്‍ എത്തിയതിന്റെ ചിത്രങ്ങള്‍ സമൂഹ മാധ്യമങ്ങളിലൂടെ പങ്കുവെച്ചിരിക്കുകയാണ് ഉണ്ണി. എന്റെ ഈ ചലഞ്ചില്‍ ഭാഗമായ എല്ലാവര്‍ക്കും നന്ദി. മേപ്പടിയാന്‍ എന്ന ചിത്രത്തിനായി എനിക്ക് ശരീര ഭാരം വര്‍ധിപ്പിക്കേണ്ടി വന്നു. മൂന്ന് മാസം കൊണ്ട് 16കിലോ ഭാരം കുറയ്ക്കുക എന്നത് എന്നെ സംബന്ധിച്ചിടത്തോളം നരകതുല്യമായിരുന്നു. എനിക്ക് പറ്റുമെങ്കില്‍ നിങ്ങള്‍ക്ക് എല്ലാവര്‍ക്കും സാധിക്കും. നിങ്ങള്‍ ശരീരത്തെയല്ല മനസ്സിനെയാണ് ട്രെയിന്‍ ചെയ്യേണ്ടത്, ഉണ്ണി മുകുന്ദന്‍ ഫേസ്ബുക്കില്‍ കുറിച്ചു.
ഉണ്ണി മുകുന്ദന്‍ ആദ്യമായി നിര്‍മാതാവിന്റെ കുപ്പായം അണിയുന്ന ചിത്രം കൂടെയാണ് മേപ്പടിയാന്‍. അയ്യപ്പനും കോശിയും എന്ന സിനിമയിലെ കുമാരന്‍ എന്ന കഥാപാത്രത്തെ അവതരിപ്പിച്ച കോട്ടയം രമേശും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
