മലയാളത്തിന്റെ മസിലളിയന്‍മാര്‍ എല്ലാം ഒറ്റ ഫ്രയിമില്‍ വന്നാല്‍ എങ്ങനെയിരിക്കും. മാമാങ്കം എന്ന ബ്രഹ്മാണ്ഡ ചിത്രത്തിലൂടെ നടന്‍ ഉണ്ണി മുകുന്ദനും മണിക്കുട്ടനും ഒരേ ഫ്രയിമില്‍ എത്തിയപ്പോള്‍ ആരാധകര്‍ കൈയ്യടിച്ചിരുന്നു.
ഇപ്പോഴിതാ നന്ദന്‍കോട്ടെ ഒരു ജിമ്മിന്റെ ഉദ്ഘാടന വേദിയില്‍ താരങ്ങള്‍ വീണ്ടും ഒരുമിച്ചിരിക്കുകയാണ് . നടന്‍ ഉണ്ണി മുകുന്ദനും മണിക്കുട്ടനും നന്ദന്‍കോട് ആരംഭിച്ച പുതിയ ജിമ്മിലെ ഉദ്ഘാടന വേളയിലാണ് ആരാധകര്‍ക്കു മുന്നിലെത്തിയത്.ചടങ്ങില്‍ മറ്റൊരു ശ്രദ്ധകേന്ദ്രം ഋഷിരാജ് സിംഗ് ആയിരുന്ന. മാമാങ്കം എന്ന ബ്രഹ്മാണ്ഡ ചിത്രത്തില്‍ ശ്രദ്ധേയമായ വേഷത്തിലാണ് ഉണ്ണി മുകുന്ദനും മണിക്കുട്ടനും എത്തിയത്. അതിനു ശേഷം ഇരുവരും ചേര്‍ന്ന് ഒരു മിച്ചെത്തുന്ന പൊതു വേദി കൂടിയാണ് ഇത്.
ചിത്രത്തില്‍ അധിക സീനുകളില്‍ മണിക്കുട്ടന്‍ പ്രത്യക്ഷപ്പെട്ടില്ലെങ്കിലും താരത്തിന്റെ പ്രകടനം ഏറെ ശ്രദ്ധയാകര്‍ഷിച്ചിരുന്നു. ഉദ്ഘാടന വേളയില്‍ എടുത്ത ചിത്രങ്ങള്‍ സോഷ്യല്‍ മീഡിയയിലൂടെ മണിക്കുട്ടന്‍ തന്നെ പങ്കു വയ്ക്കുകയാണ്. നിരവധി രസകരമായ കമന്റുകള്‍ ആണ് സോഷ്യല്‍ മീഡിയയിലൂടെ താരങ്ങള്‍ക്ക് ലഭിച്ചു കൊണ്ടിരിക്കുന്നത്. ഇരുവരും വര്‍ക്ക്ഔട്ടിന്റെ കാര്യത്തില്‍ വളരെ ശ്രദ്ധ പുലര്‍ത്തുന്നവരാണ്
