ഫെബ്രുവരി ഇരുപത്തിയഞ്ച് മുതൽ കേരളത്തിലെ തിയറ്ററുകളിൽ ഉപചാരപൂർവം ഗുണ്ടജയൻ എത്തുകയാണ്. നടൻ സൈജു കുറുപ്പിന്റെ നൂറാം ചിത്രം എന്ന വിശേഷണവുമായാണ് ചിത്രമെത്തുന്നത്. പ്രേക്ഷകരെ കാത്തിരിക്കുന്നത് മികച്ച കോമഡി എന്റർടയിനർ ആയിരിക്കുമെന്നാണ് റിപ്പോർട്ടുകൾ. ഇതിനോടകം വലിയ പ്രതീക്ഷയാണ് ഈ ചിത്രം പ്രേക്ഷകർക്കിടയിൽ സൃഷ്ടിച്ചിരിക്കുന്നത്. ചിത്രത്തിന്റെ ട്രയിലർ കഴിഞ്ഞദിവസം റിലീസ് ചെയ്തിരുന്നു. റിലീസ് ചെയ്ത് മണിക്കൂറുകൾക്കുള്ളിൽ ലക്ഷക്കണിക്കിന് ആളുകളാണ് ട്രയിലർ കണ്ടിരിക്കുന്നത്.
‘മലയാള സിനിമയിൽ മറ്റൊരു മികച്ച ചിത്രം ആവട്ടെ’, ‘സൈജു കുറുപ്പിന്റെ കിടിലൻ പെർഫോമൻസ് തന്നെ കാണാം, പടം ഹിറ്റ് ആവട്ടെ’, ‘ഗുണ്ടജയൻ ഇത് പൊളി പടം ആയിരിക്കണേ’ തുടങ്ങി നിരവധി കമന്റുകളാണ് ട്രയിലറിന് ലഭിച്ചിരിക്കുന്നത്. ചിത്രത്തിലെ രണ്ടു മനോഹര ഗാനങ്ങൾ കഴിഞ്ഞ ആഴ്ചകളിൽ റിലീസ് ചെയ്തിരുന്നു. പാട്ടുകൾ വലിയ ഹിറ്റ് ആയി മാറുകയും ചെയ്തിരുന്നു. ഇപ്പോൾ എത്തിയിരിക്കുന്ന ട്രയിലർ ഒരു കംപ്ലീറ്റ് കോമഡി എന്റർടയിനർ എന്ന് വിശേഷിപ്പിക്കാവുന്ന രീതിയിലാണ് ഒരുക്കിയിരിക്കുന്നത്.
അരുൺ വൈഗയാണ് ചിത്രത്തിന്റെ സംവിധാനം. കുറുപ്പ് എന്ന ബ്ലോക്ക്ബസ്റ്റർ വിജയത്തിന് ശേഷം യുവതാരം ദുൽഖർ സൽമാൻ നിർമ്മിച്ച ചിത്രമാണെന്ന പ്രത്യേകത കൂടിയുണ്ട് ഉപചാപൂർവം ഗുണ്ടജയൻ എന്ന ചിത്രത്തിന്. വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനിക്കാടും ചേർന്നാണ് ചിത്രത്തിന്റെ നിർമാണം. രാജേഷ് വർമയാണ് രചന. സൈജു കുറുപ്പിനൊപ്പം സിജു വില്‍സണ്‍, ശബരീഷ് വര്‍മ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരും ചിത്രത്തിൽ അഭിനയിച്ചിട്ടുണ്ട്. സംഗീതം – ബിജിപാൽ,
എഡിറ്റിംഗ് – കിരൺ ദാസ്, കാമറ – എൽദോ ഐസക്.
