മനു അശോകന്‍ സംവിധാനം ചെയ്ത് പാര്‍വ്വതി നായികയായി എത്തിയ ചിത്രമാണ് ഉയരെ . ആസിഫ് അലി,ടൊവിനോ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍. സിദ്ധിഖ്, പ്രതാപ് പോത്തന്‍, അനാര്‍ക്കലി മരക്കാര്‍, പ്രേം പ്രകാശ്, ഇര്‍ഷാദ്, നാസ്സര്‍, സംയുക്ത മേനോന്‍, ഭഗത്, അനില്‍ മുരളി,അനില്‍ മുരളി, ശ്രീറാം എന്നിവര്‍ ചിത്രത്തിലെ മറ്റ് പ്രധാന കഥാപാത്രങ്ങള്‍.ചിത്രത്തിന് ഗംഭീര റിപ്പോർട്ടുകൾ ആണ് ലഭിച്ചുകൊണ്ടിരിക്കുന്നത്. ചിത്രത്തെ തേടി കൂടുതൽ അംഗീകാരങ്ങൾ ഇപ്പോൾ എത്തുകയാണ്.
തിരുവനന്തപുരത്ത് നടക്കുന്ന അന്തർദേശീയ ചിൽഡ്രൻസ് ഫിലിം ഫെസ്റ്റിവൽ ഓഫ് കേരളയിലേക്ക് തെരഞ്ഞെടുക്കപ്പെട്ട്ടിരിക്കുകയാണ് പാർവ്വതി നായികയായി എത്തിയ ഈ ചിത്രം. മേളയിലെ ഉദ്ഘാടന ചിത്രമായി ആയിരിക്കും ഉയരെ പ്രദർശിപ്പിക്കുക. മെയ് 10 മുതൽ മെയ് 16 ആയിരിക്കും മേള നടക്കുക.മെയ് പത്തിന് വൈകുന്നേരം നാലരയ്ക്ക് കൈരളി തീയേറ്ററിൽ വച്ചായിരിക്കും ഉയരെ പ്രദർശിപ്പിക്കുക. ആസിഡ് ആക്രമണത്തെ നേരിട്ട പെൺകുട്ടിയുടെ കഥയാണ് ചിത്രം ചർച്ചചെയ്യുന്നത്. പാർവതിയുടെ ഗംഭീര പ്രകടനവും ബോബി സഞ്ജയുടെ കരുത്തുറ്റ തിരക്കഥയും ചിത്രത്തിന് ഏറെ സഹായകമായി .നവാഗതനായ മനു അശോകൻ ആണ് ചിത്രം സംവിധാനം ചെയ്തത്.
