കൊച്ചിന്‍ ഹനീഫ സംവിധാനം ചെയ്ത സൂപ്പര്‍ഹിറ്റ് ചിത്രമാണ് വാല്‍സല്യം. ഇപ്പോഴും മലയാളിക്കും മമ്മൂട്ടി ആരാധകര്‍ക്കും പ്രിയപ്പെട്ടതാണ് ഈ ചിത്രം. ഇപ്പോഴിതാ, 1993ല്‍ ഇറങ്ങിയ ചിത്രത്തെ കുറിച്ച് വന്ന ഒരു ട്രോള്‍ പങ്കിട്ടിരിക്കുകയാണ് നടി റിമ കല്ലിങ്കല്‍. ഇതിന് പിന്നാലെ കമന്റ് ബോക്‌സ് നിറയെ പലവിധ അഭിപ്രായങ്ങളും പരിഹാസങ്ങളും നിറയുകയാണ്.
1993ല്‍ മമ്മൂട്ടിയുടെ കഥാപാത്രം നായകനായും സിദ്ദിഖിന്റെ ഭാര്യയായി എത്തുന്ന കഥാപാത്രം വില്ലത്തിയുമായിരുന്നെങ്കില്‍ 2021ല്‍ ഇത് തിരിച്ചാകുമെന്നാണ് ട്രോള്‍. ഈ മാറ്റത്തെക്കുറിച്ചായിരുന്നു റിമയുടെ പോസ്റ്റ്. എന്നാല്‍ ഇതിനെ പലവിധത്തിലേക്ക് വിവരിച്ചാണ് കമന്റുകള്‍. റിമയുടെ നിലപാടുകളെയും ചിലര്‍ ചോദ്യം ചെയ്യുന്നു. ചേട്ടനെയും അനിയനെയും തമ്മില്‍ തെറ്റിക്കുന്ന കഥാപാത്രമാണോ ഇപ്പോള്‍ നായികയാവുന്നത് എന്നാണ് ചിലരുടെ ചോദ്യം. അന്നും ഈ കഥാപാത്രത്തിന്റെ ഭാഗത്ത് തെറ്റുകാണുന്നില്ല എന്നും ചിലര്‍ പറയുന്നുണ്ട്.
