കുമ്പാരീസ്, സത്യം മാത്രമേ ബോധിപ്പിക്കൂ എന്നീ ചിത്രങ്ങള്‍ക്ക് ശേഷം സാഗര്‍ തിരക്കഥ എഴുതി സംവിധാനം ചെയ്യുന്ന ചിത്രം ‘വീകം’ ടൈറ്റില്‍ പോസ്റ്റര്‍ പുറത്തിറങ്ങി. ടൈറ്റില്‍ പോസ്റ്റര്‍ കുഞ്ചാക്കോ ബോബനും മഞ്ജുവാര്യരും ഉണ്ണി മുകുന്ദനും സുരാജ് വെഞ്ഞാറമൂട് തുടങ്ങിയ പ്രമുഖ താരങ്ങള്‍ ചേര്‍ന്നാണ് പുറത്തിറക്കിയത്.
അബാം മൂവീസിന്റെ ബാനറില്‍ എബ്രഹാം മാത്യു അവതരിപ്പിച്ച് ഷീലു എബ്രഹാമാണ് ചിത്രം നിര്‍മ്മിക്കുന്നത്. ധ്യാന്‍ ശ്രീനിവാസന്‍ സിദ്ദിഖ് ഷീലു അബ്രഹാം അജു വര്‍ഗീസ് ദിനേശ് പ്രഭാകര്‍ ഡെയിന്‍ ഡേവിസ് ഡയാന ഹമീദ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ഛായാഗ്രഹണം ധനേഷ് രവീന്ദ്രനാഥ്, സംഗീതം വില്ല്യം ഫ്രാന്‍സിസ് എഡിറ്റിങ് ഹരീഷ് മോഹന്‍. ചിത്രത്തിന്റെ ഫിനാന്‍സ് കണ്‍ട്രോള്‍ അമീര്‍ കൊച്ചിനും പ്രോജക്ട് ഡിസൈന്‍ ജിത്ത് പിറപ്പിന്‍കോടും മീഡിയ മാര്‍ക്കറ്റിങ് അരുണ്‍ പൂക്കാടനും ചെയ്യുന്നു. ഫാമിലി ത്രില്ലര്‍ ആയി അണിയിച്ചൊരുക്കുന്ന ചിത്രം ഒക്ടോബറില്‍ ഷൂട്ടിങ് ആരംഭിക്കും. പൃഥ്വിരാജ്, ജോജു ജോര്‍ജ്ജ്, ഷീലു എബ്രഹാം എന്നിവരെ കേന്ദ്രകഥാപാത്രമാക്കി അബാം മൂവീസിലെ തന്നെ ചിത്രമായ സ്റ്റാറും റിലീസിന് ഒരുങ്ങുകയാണ്.
