ത്രീ ഇടിയറ്റ്‌സ് എന്ന ബോളിവുഡ്‌ചിത്രത്തിൽ വീഡിയോ കോൾ വഴി അമീർ ഖാൻ പ്രസവമെടുക്കുന്ന രംഗം നാം ഞെട്ടലോടെയാണ് കണ്ടു കൊണ്ടിരുന്നത്. ഇപ്പോൾ സിനിമയെ വെല്ലുന്ന രംഗമാണ് കഴിഞ്ഞ ദിവസം കര്‍ണാടകയിലെ ഹവേരിയില്‍ നടന്നത്. കൊവിഡ് മൂലം ആംബുലന്‍സ് കിട്ടാതെ വന്നപ്പോഴാണ് ഡോക്ടറെ വീഡിയോകാള്‍ വിളിച്ച്‌ , വീട്ടുകാരും അയല്‍ക്കാരും ചേര്‍ന്ന് യുവതിയുടെ പ്രസവമെടുത്തു. വാസവി എന്ന പെണ്കുട്ടിയുടെയാണ് അയൽക്കാർ എല്ലാവരും കൂടി പ്രസവമെടുത്തത്. കര്‍ണാടകയിലെ ഹവേരി ഹനഗല്‍ സ്വദേശി വാസവി ഫത്തേപ്പൂരിന് ഞായറാഴ്ച ഉച്ചയോടെ പ്രസവവേദന അനുഭവപ്പെട്ടു കാര്യങ്ങൾ വഷളായി. ഭര്‍ത്താവ് രാഗവേന്ദ്ര ആംബുലന്‍സ് വിളിച്ചെങ്കിലും കൊവിഡ് കാരണം ആരും വന്നില്ല.
നില ഗുരുതരമായതോടെ അയല്‍ക്കാരായ സ്ത്രീകള്‍ സഹായത്തിനെത്തി. ഇവരിലൊരാളുടെ സുഹൃത്തും കിംസ് ആശുപത്രിയിലെ ഗൈനക്കോളജിസ്റ്റുമായ ഡോ. പ്രിയനാകാ മന്ദാഗി വീഡിയോകാള്‍ വഴി നല്‍കിയ നിര്‍ദ്ദേശം അനുസരിച്ച്‌ ഇവര്‍ വാസവിയുടെ ആണ്‍കുഞ്ഞിനെ സുരക്ഷിതമായി പുറത്തെടുത്തു. ശേഷം ആംബുലന്‍സ് എത്തി ആശുപത്രിയിലേക്ക് മാറ്റിയ യുവതിയും കുഞ്ഞും സുഖമായിരിക്കുന്നുവെന്നാണ് റിപ്പോര്‍ട്ട്. വാസവിയുടെ സഹായത്തിനെത്തിയ സ്ത്രീകളില്‍ പലര്‍ക്കും പ്രസവവരീതിയെക്കുറിച്ച്‌ ധാരണയുണ്ടായിരുന്നു. അതിനാല്‍ കാര്യങ്ങള്‍ കൃത്യമായി ചെയ്യാന്‍ സാധിച്ചു., ഡോക്ടര്‍ പ്രിയനാകാ മന്ദാഗി പറഞ്ഞു
