മമ്മൂക്ക നായകനായ ദി പ്രീസ്റ്റ് 16000ലേറെ ഷോകൾ കേരളത്തിൽ തന്നെ പൂർത്തീകരിച്ച് വിജയം കുറിച്ച് മുന്നേറുകയാണ്. ചിത്രത്തിൽ എടുത്തു പറയേണ്ട പ്രകടനം കാഴ്ച വെച്ച താരമാണ് കൈതി ഫെയിം മോണിക്ക. ചിത്രത്തിലെ കേന്ദ്രകഥാപാത്രമായ അമേയയെയാണ് താരം അവതരിപ്പിച്ചത്. ഇപ്പോഴിതാ ചിത്രത്തിലെ മർമ്മപ്രധാനമായ രംഗത്ത് കഥാപാത്രത്തിന് വേണ്ടി അമേയ നടത്തിയ ഡബ്ബിങ്ങിന്റെ വീഡിയോ പുറത്തുവിട്ടിരിക്കുകയാണ് ചിത്രത്തിന്റെ അണിയറ പ്രവർത്തകർ. ബേബി മോണിക്ക തമിഴിൽ നിന്നായതുകൊണ്ട് പ്രീസ്റ്റിൽ മോണിക്കയുടെ ഡയലോഗുകൾ നിലീന അനീഷ് എന്ന ഓഡിഷനിലൂടെ കണ്ടെത്തിയ കുട്ടിയെ വെച്ചാണ് ചെയ്യ്തത്, എന്നാൽ ചിത്രത്തിൽ മോണിക്കയുടെ എഫെക്റ്റുകൾ മോണിക്ക തന്നെയാണ് ഡബ്ബ് ചെയിതിരിക്കുന്നത്.
