എല്ലായ്‌പ്പോഴും സോഷ്യല്‍ മീഡിയയില്‍ ആക്ടീവാകാറുളള ഗായകനാണ് വിധുപ്രതാപ്. വിധുവിനൊപ്പം ഭാര്യയും നര്‍ത്തകിയുമായ ദീപ്തി പ്രസാദും എല്ലാവര്‍ക്കും സുപരിചിതയാണ്. വീട്ടില്‍ നിന്നുളള വിശേഷങ്ങളും ചിത്രങ്ങളും വീഡിയോകളുമെല്ലാം പങ്കുവെച്ച് ഇവര്‍ ഇടയ്ക്കിടെ എത്താറുണ്ട്. ടിക്ക് ടോക്ക് വീഡിയോകള്‍ ചെയ്തും വിധുവും ദീപ്തിയും എത്താറുണ്ട്. വിധു പ്രതാപിന്റെതായി വരാറുളള പോസ്റ്റുകളെല്ലാം നിമിഷ നേരം കൊണ്ടാണ് സോഷ്യല്‍ മീഡിയയില്‍ വൈറലാകാറുളളത്.
ഇപ്പോഴിതാ പുത്തന്‍ ആഡംബര കാര്‍ സ്വന്തമാക്കിയിരിക്കുകയാണ് വിധുപ്രതാപ്. മെഴ്‌സിഡസ് ബെന്‍സ് ബി ക്ലാസ് 180 ആണ് വിധുപ്രതാപ് സ്വന്തമാക്കിയത്. കൊച്ചിയിലെ രാജശ്രീ മോട്ടോഴ്‌സില്‍ നിന്നാണ് കാര്‍ വാങ്ങിയത്. രാജശ്രീ മോട്ടോഴ്‌സിന്റെ ഫേസ്ബുക്ക് പേജില്‍ വിധുവും ഭാര്യ ദീപ്തിയും കാറിനൊപ്പം നില്‍ക്കുന്ന ചിത്രം പങ്കു വെച്ചിട്ടുണ്ട്.
We Congratulate singer Vidhu Prathap for his new Star. Happy Motoring!
Posted by Mercedes-Benz Rajasree Motors on Sunday, 24 January 2021
നിരവധി സൂപ്പര്‍ ഹിറ്റ് ചിത്രങ്ങള്‍ക്കായി വിധു ഗാനങ്ങള്‍ ആലപിച്ചിരുന്നു. വിധു പ്രതാപിന്റെതായി പുറത്തിറങ്ങിയ ഗാനങ്ങളെല്ലാം ഇന്നും സംഗീതാസ്വാദകരുടെ മനസുകളില്‍ നില്‍ക്കുന്നവയാണ്. റൊമാന്റിക്ക്, മെലഡി അങ്ങനെ എല്ലാതരം പാട്ടുകളും പാടിക്കൊണ്ടാണ് ഗായകന്‍ മലയാളത്തില്‍ തിളങ്ങിയത്. പാട്ടുകള്‍ക്ക് പുറമെ അഭിനയ രംഗത്തും തിളങ്ങിയിരുന്നു താരം.
വിധു പാട്ടിലായിരുന്നു തിളങ്ങിയതെങ്കില്‍ ദീപ്തി നൃത്തരംഗത്തായിരുന്നു സജീവമായത്. നിരവധി സ്റ്റേജ് ഷോകളില്‍ നടി നൃത്തം അവതരിപ്പിച്ചിരുന്നു. കൂടാതെ ചിരിക്കുടുക്ക എന്നൊരു മലയാള ചിത്രത്തിലും അഭിനയിച്ചിരുന്നു ദീപ്തി. വിധു പ്രതാപിന്റെയും ദീപ്തിയുടെതുമായി വരാറുളള ടിക്ക് ടോക്ക് വീഡിയോകളെല്ലാം അതിവേഗം സോഷ്യല്‍ മീഡിയയില്‍ തരംഗമാകാറുണ്ട്.
