തമിഴ് സിനിമയിൽ ഏറ്റവും കൗതുകമേറുന്ന ഒരു കോമ്പിനേഷനാണ് വിജയ്-വിജയ് സേതുപതി കൂട്ടുകെട്ട്. ഇനി അത് ബിഗ്സ്ക്രീനിൽ കാണുവാൻ സാധിക്കും എന്ന ആഹ്ലാദത്തിലാണ് പ്രേക്ഷകർ. വിജയ്ക്കൊപ്പം വിജയസേതുപതി എത്തുകയാണ് പുതിയ ചിത്രത്തിലൂടെ. മാനഗരം, കൈത്തി എന്നീ ചിത്രങ്ങള്‍ക്ക് ശേഷം ലോകേഷ് സംവിധാനം ചെയ്യുന്ന വിജയുടെ അറുപത്തിനാലാമത് ചിത്രത്തിലാണ് ഈ കോമ്പിനേഷൻ.
ചിത്രത്തെക്കുറിച്ചുള്ള പ്രധാന പ്രഖ്യാപനങ്ങൾ ഇനി വരുന്ന മൂന്ന് ദിവസം വൈകീട്ട് 5 മണിക്ക് ഉണ്ടാകുമെന്നാണ് ചിത്രത്തിന്റെ നിർമ്മാതാവായ എക്‌സ് ബി ഫിലിം ക്രിയേറ്റേഴ്‌സ് അറിയിച്ചിരിക്കുന്നത്. അതുപ്രകാരം എത്തിയ ആദ്യ അറിയിപ്പാണ് വിജയ് സേതുപതിയുടെ സാന്നിധ്യം. ബിഗിൽ ആണ് വിജയുടെ പുറത്തിറങ്ങാനിരിക്കുന്ന ഏറ്റവും പുതിയ ചിത്രം. ചിത്രത്തിൽ വനിതാ ഫുട്ബോൾ ടീം പരിശീലകൻ ആയിട്ടാണ് താരം എത്തുക. ഉടന്‍ തീയേറ്ററുകളിലെത്തുന്ന, ചിരഞ്ജീവി നായകനായ തെലുങ്ക് ചിത്രം സെയ്‌റ നരസിംഹ റെഡ്ഡിയില്‍ വിജയ് സേതുപതി ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
