‘പത്തൊന്‍പതാം നൂറ്റാണ്ട്’ എന്ന ചിത്രത്തിലെ കഥാപാത്രത്തിനു വേണ്ടി സിജു വില്‍സണ്‍ നടത്തിയ മേക്കോവറിനേയും പ്രശംസിച്ച് ചിത്രത്തിന്റെ സംവിധായകന്‍ വിനയന്‍. സിജുവില്‍സണ്‍ ഒരു വര്‍ഷത്തോളമെടുത്ത് നടത്തിയ മേക്ക ഓവറും പരിശിലനവും കലയോടും സിനിമയോടുമുള്ള സിജുവിന്റെ ഡെഡിക്കേഷന്‍ എത്രത്തോളമുണ്ടെന്ന് വെളിവാക്കുന്നതാണെന്ന് വിനയന്‍ ഫേസ് ബുക്കില്‍ കുറിച്ചു.
സിജു വിത്സണ്‍ കേന്ദ്രകഥാപാത്രത്തെ അവതരിപ്പിക്കുന്ന സിനിമയുടെ ചിത്രീകരണം കഴിഞ്ഞ വര്‍ഷം മുതല്‍ ആരംഭിച്ചിരുന്നു. പേര് സൂചിപ്പിക്കുന്നത് പോലെ ഇതൊരു വമ്പന്‍ സിനിമ ആയിരിക്കുമെന്ന് സംവിധായകന്‍ നേരത്തെ ഉറപ്പ് നല്‍കി കഴിഞ്ഞു. അതേ സമയം സിനിമയ്ക്ക് വേണ്ടി സിജു എടുത്ത മുന്നൊരുക്കങ്ങള്‍ അദ്ദേഹത്തെ വലിയൊരു നിലയിലേക്ക് എത്തിക്കുമെന്നാണ് വിനയന്‍ പറയുന്നത്.
പത്തൊമ്പതാം നൂറ്റാണ്ട്’ എഡിറ്റിംഗ് വര്‍ക്കുകള്‍ ഉള്‍പ്പെടെയുള്ള പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. ക്ലൈമാക്സ് ഉള്‍പ്പെടെയുള്ള രംഗങ്ങളാണ് ഇനി ചിത്രീകരിക്കേണ്ടതെന്ന് സംവിധായകന്‍ പറഞ്ഞു. ഇപ്പോഴിതാ സിനിമയുടെ ഡബ്ബിംഗും പുരോഗമിക്കുകയാണ്. സിജു വില്‍സണും ടിനി ടോമും ഒരുമിച്ചുള്ള രംഗങ്ങളുടെ ഡബ്ബിംഗ് അടുത്തിടെ തുടങ്ങിയിരുന്നു.
വിനയന്റെ കുറിപ്പ്
‘പത്തൊന്‍പതാംനൂറ്റാണ്ട്’ എന്ന സിനിമയിലെ നായക കഥാപാത്രത്തിനു വേണ്ടി യുവനടന്‍ സിജു വില്‍സണ്‍ ഒരുവര്‍ഷത്തോളമെടുത്ത് നടത്തിയ മേക്ക് ഓവറും, കളരി പരിശീലനവും ഒക്കെ കലയോടും സിനിമയോടും ഉള്ള സിജുവിന്റെ ഡെഡിക്കേഷന്‍ എത്രത്തോളമുണ്ടന്ന് വെളിവാക്കുന്നതാണ്. ഇന്നു നിലവിലുള്ള പല പ്രമുഖ യുവനടന്‍മാരോടും ഒപ്പം അവരുടെ ആരംഭകാല സിനിമാ ജീവിതത്തില്‍ ഒന്നിച്ച് കുറേ ദുരം യാത്ര ചെയ്തിട്ടുള്ള ഒരു വ്യക്തി എന്ന നിലയില്‍ ഞാന്‍ പറയട്ടെ… ഈ അര്‍പ്പണ മനോഭാവം കാത്തു സുക്ഷിച്ചാല്‍ ആര്‍ക്കു ലഭിച്ചതിലും ശോഭനമായ ഭാവി സിജുവിനെ തേടി എത്തും..ആശംസകള്‍..
