തന്റെ മകന്റെ പേരിടൽ ചടങ്ങ് നടത്തി നടൻ വിഷ്ണു ഉണ്ണികൃഷ്ണൻ, മകനും ഭാര്യക്കും ഒപ്പമുള്ള ചിത്രം പങ്കുവെച്ച് താരം തന്നെയാണ് ഈ വിവരം ആരാധകരെ അറിയിച്ചത്. ‘കട്ടപ്പനയിലെ ഋതിക് റോഷന്‍’ എന്ന സിനിമയിലെ നായകവേഷത്തിലൂടെയാണ് വിഷ്ണു മലയാള സിനിമയിലെ ശ്രദ്ധേയ നടനാവുന്നത്. അതിനു മുന്‍പ് ‘അമര്‍, അക്ബര്‍, അന്തോണി’ എന്ന സിനിമയുടെ തിരക്കഥാകൃത്തായി. ബിബിന്‍ ജോര്‍ജുമായി ചേര്‍ന്നായിരുന്നു രചന. ഈ ചിത്രത്തില്‍ വിഷ്ണു ഒരു ചെറിയ അതിഥി വേഷം ചെയ്തിരുന്നു.
അതിനു ശേഷം ഇറങ്ങിയ ദുല്‍ഖര്‍ സല്‍മാന്‍ ചിത്രം ‘ഒരു എമണ്ടന്‍ പ്രേമകഥയിലെ’ വേഷവും ശ്രദ്ധേയമായി. ഈ വര്‍ഷത്തിന്റെ തുടക്കത്തില്‍ പുറത്തിറങ്ങിയ ‘ബിഗ് ബ്രദര്‍’ ആണ് വിഷ്ണുവിന്റെ റിലീസായ ഏറ്റവും പുതിയ ചിത്രം.2020 ഫെബ്രുവരിയില്‍ ആയിരുന്നു വിഷ്ണുവിന്റെയും കോതമംഗലം സ്വദേശിനി ഐശ്വര്യയുടെയും വിവാഹം. മകന് മാധവ് എന്നാണ് പേര് നല്‍കിയിരിക്കുന്നത്.
