മലയാളത്തിലെ പ്രമുഖ പ്രൊഡക്ഷന് കമ്പനിയായ ‘വീക്കെന്ഡ് ബ്ലോക്ക്ബസ്റ്റേഴ്സ്’ പ്രേക്ഷകര്ക്ക് സുപരിചിതമാണ്. ബാംഗ്ലൂര് ഡേയ്സ്, കാട് പൂക്കുന്ന നേരം, മുന്തിരി വള്ളികള് തളിര്ക്കുമ്പോള്, പടയോട്ടം, മിന്നല് മുരളി തുടങ്ങിയ സൂപ്പര് ഹിറ്റ് ചിത്രങ്ങള് നിര്മിച്ചത് വീക്കെന്ഡ് ബ്ലോക്ക്ബസ്റ്റേഴ്സാണ്. ആര്ഡിഎക്സാണ് വീക്കെന്ഡ് ബ്ലോക്ക്ബസ്റ്റേഴ്സിന്റേതായി ഇനി പുറത്തിറങ്ങാനുള്ള ചിത്രം. ഇപ്പോഴിതാ പുതിയൊരു സംരംഭത്തിന് തുടക്കം കുറിച്ചിരിക്കുകയാണ് വീക്കെന്ഡ് ബ്ലോക്ക്ബസ്റ്റേഴ്സ്.
സംഗീതത്തിനും ഷോര്ട്ട് ഫിലിമിനും ഡോക്യുമെന്ററികള്ക്കുമായാണ് ‘വീക്കെന്ഡ് ബ്ലോക്ക്ബസ്റ്റേഴ്സിന്റെ പുതിയ പ്ലാറ്റ്ഫോം. ‘ഹൗസ് ഫുള്’ എന്നാണ് ഇതിന് നല്കിയിരിക്കുന്ന പേര്. ഹൗസ് ഫുള്ളിലൂടെ ആദ്യമായി ഒരു മ്യൂസിക് വിഡിയോ പുറത്തുവിട്ടിരിക്കുകയാണ് അണിയറപ്രവര്ത്തകര്. ‘ഈ ദൂരം’ എന്നാണ് ഇതിന്റെ പേര്. ജസ്വിന് ആന്റണിയാണ് മ്യൂസിക് വിഡിയോ സംവിധാനം ചെയ്തിരിക്കുന്നത്. അനു എലിസബത്ത് ജോസിന്റെ വരികള്ക്ക് സംഗീതം പകര്ന്നിരിക്കുന്നത് നിപിന് ബെന്സന്റ്. എന് ആണ്. സച്ചിന് വാര്യരും ഹണി മാത്യുമാണ് ഗാനം ആലപിച്ചിരിക്കുന്നത്.
രണ്ട് പേര്ക്കിടയിലെ പ്രണയവും വിരഹവുമെല്ലാം പറഞ്ഞുവയ്ക്കുന്നതാണ് മ്യൂസിക് വിഡിയോ. അരവിന്ദ് ദീപു, ഊര്മിള കൃഷ്ണന് എന്നിവരാണ് ഇതില് അഭിനയിച്ചിരിക്കുന്നത്. റെയ്ന രാധാകൃഷ്ണന്റേതാണ് സ്ക്രീന് പ്ലേ നിര്വഹിച്ചിരിക്കുന്ന മ്യൂസിക് വിഡിയോ നിര്മിച്ചിരിക്കുന്നത് എന് സന്തോഷ് കുമാറാണ്.