ജൂബിലി പിക്‌ചേഴ്‌സും പ്രകാശ് മൂവി ടോണും മാരുതി പിക്‌ചേഴ്‌സും ചേർന്ന് നിർമിക്കുന്ന ഏറ്റവും പുതിയ ചിത്രമാണ് എവിടെ.ഹോളിഡേ മൂവീസിന്റെ ബാനറിൽ ഒരുക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം പുറത്ത് വിട്ടിരുന്നു. യുവതാരം ടോവിനോ തോമസ് ആണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടത്. ബോബി സഞ്ജയ് ആണ് ചിത്രത്തിന് കഥ ഒരുക്കിയിരിക്കുന്നത്. ബോബി സഞ്ജയുടെ കഥയ്ക്ക് കൃഷ്ണൻ സിയാണ് തിരക്കഥ രചിക്കുന്നത് .
കെ കെ രാജീവ് ആണ് ചിത്രം സംവിധാനം ചെയ്യുന്നത്. നൗഫൽ ശരീഫ് ചായാഗ്രഹണവും ഔസേപ്പച്ചൻ സംഗീതവും നൽകുന്നു.സുരാജ് വെഞ്ഞാറമൂട്, ആശാ ശരത്, ബൈജു,മനോജ് കെ ജയൻ, പ്രേം പ്രകാശ്, ഷെബിൻ ബെൻസൺ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.ചിത്രത്തിൽ ഉദാഹരണം സുജാത എന്ന ചിത്രത്തിലൂടെ ശ്രദ്ധേയയായ ബാലതാരം അനശ്വര രാജനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.ഷഹാന എന്നാണ് കഥാപാത്രത്തിന്റെ പേര്. ഇപ്പോൾ അനശ്വരയ്ക്ക് ആശംസകളുമായി രംഗത്ത് എത്തിയിരിക്കുകയാണ് പ്രിയനടി മഞ്ജു വാര്യർ. ഉദാഹരണം സുജാതയിൽ അനശ്വരയുടെ അമ്മവേഷം കൈകാര്യം ചെയ്തത് മഞ്ജു ആയിരുന്നു. രണ്ടുപേരും ഗംഭീര പ്രകടനമായിരുന്നു ചിത്രത്തിൽ കാഴ്ച്ച വെച്ചിരുന്നത്.
