മലയാളികളുടെ പ്രിയ താരങ്ങളിലൊരാളാണ് യാഷിക ആനന്ദ്. ഇരുട്ട് അറയില്‍ മുരട്ട് കുത്ത് എന്ന ചിത്രത്തിലൂടെ ആണ് താരം ശ്രദ്ധനേടിയത്. കുറച്ച് ആഴ്ചകള്‍ക്ക് മുന്‍പ് താരം ഒരു വാഹനാപകടത്തില്‍പ്പെട്ടിരുന്നു. വളരെ ക്രിട്ടിക്കലായിരുന്നു താരത്തിന്റെ സ്ഥിതി.
അപകടം നടന്നത് മഹാബലിപുരത്തിനടുത്തു വെച്ചായിരുന്നു. കൂടെ ഉണ്ടായിരുന്ന വല്ലിഷെട്ടി പവാനി എന്ന സുഹൃത്ത് തല്‍ക്ഷണം മരിച്ചു. നടിയും രണ്ടു സുഹൃത്തുക്കളെയും ആശുപത്രിയില്‍ ഉടന്‍തന്നെ പ്രവേശിപ്പിച്ചു. അതേ സമയം നടി സംഭവസമയത്ത് മദ്യപിച്ചിരുന്നു എന്ന് മലയാളികള്‍ സമൂഹമാധ്യമങ്ങളില്‍ പ്രചരിപ്പിച്ചിരുന്നു. ഈ വിഷയത്തില്‍ പല തരത്തിലുള്ള കഥകളും മലയാളികള്‍ മെനഞ്ഞെടുത്തു. എന്നാല്‍ കുറച്ച് ദിവസങ്ങള്‍ക്ക് മുന്‍പ് നടിയുടെ ഔദ്യോഗിക മൊഴി പുറത്തു വന്നു. അത്തരം ആരോപണങ്ങളെയെല്ലാം നിഷേധിക്കുന്ന തരത്തിലായിരുന്നു മൊഴി.
എന്തു തരത്തിലുള്ള ആളുകളാണ് നമ്മുടെ ചുറ്റും ജീവിക്കുന്നത്? എന്തിനാണ് ഇത്തരത്തിലുള്ള കഥകള്‍ നിങ്ങള്‍ ഉണ്ടാക്കിയെടുക്കുന്നത്? ഞാന്‍ മദ്യപിച്ചിരുന്നു എന്നാണ് ചില ആളുകള്‍ പറയുന്നത്. എന്നാല്‍ മെഡിക്കല്‍ റിപ്പോര്‍ട്ടിലോ പോലീസ് റിപ്പോര്‍ട്ടിലോ അങ്ങനെ ഒന്നും പരാമര്‍ശിച്ചിട്ടില്ല. അപ്പോള്‍ പിന്നെ എന്ത് അടിസ്ഥാനത്തിലാണ് ഇത്തരത്തിലുള്ള കഥകള്‍ ചില ആളുകള്‍ പറഞ്ഞ് ഉണ്ടാക്കുന്നത്? താന്‍ മദ്യപിച്ചിരുന്നെങ്കില്‍ ഇപ്പോള്‍ ഇവിടെ ആയിരിക്കില്ല മറിച്ച് പോലീസ് സ്റ്റേഷനില്‍ ആയിരിക്കും ഉണ്ടായിരുന്നിരിക്കുകയെന്നും നടി പറഞ്ഞു.
