തൃശ്ശൂര് പൂരം നേരില് കാണാനെത്തിയതിന്റെ സന്തോഷം പങ്ക് വയ്ക്കുകയാണ് തൃശ്ശൂരിലെ എന്ഡിഎ സ്ഥാനാര്ത്ഥി സുരേഷ് ഗോപി.ആദ്യമായിട്ടാണ് പൂര ദിവസം പൂരപറമ്പിൽ എത്തുവാൻ ഭാഗ്യം ലഭിച്ചത് എന്നും പൂരത്തിന്റെ ഭാഗമാകാന് കഴിഞ്ഞതില് വലിയ അഭിമാനമുണ്ടെന്നും സുരേഷ് ഗോപി പറഞ്ഞു.കഴിഞ്ഞ കുറേ വര്ഷങ്ങളായി ടിവിയിലൂടെ മാത്രം കണ്ടു പരിചയിച്ചിട്ടുള്ള തൃശ്ശൂര് പൂരം നേരിട്ടനുഭവിക്കാന് കഴിയുന്നതില് വലിയ സന്തോഷമുണ്ടെന്നും സുരേഷ് ഗോപി പങ്കുവച്ചു.
മുണ്ടും മടക്കിക്കുത്തി തലയിലൊരു കെട്ടും കെട്ടി തൃശൂര് പൂരം ആഘോഷിക്കണമെന്നായിരുന്നു അദ്ദേഹത്തിന്റെ ആഗ്രഹം.എന്നാല് സെലിബ്രിറ്റി ആയതുകൊണ്ട് അത് പല സുരക്ഷാ പ്രശ്നങ്ങളുണ്ടാക്കുമെന്നതിനാല് അത്തരം ആഘോഷങ്ങളില് നിന്നെല്ലാം പരമാവധി മാറി നില്ക്കാന് ശ്രമിക്കുമെന്ന് അദ്ദേഹം അറിയിച്ചു.സമൂഹമാധ്യമങ്ങളില് ഏറെ ചര്ച്ചയ്ക്ക് വഴിവെച്ച ഒന്നായിരുന്നു തിരഞ്ഞെടുപ്പ് കാലത്ത് നടത്തിയ ‘തൃശൂര് ഞാനിങ്ങെടുക്കുവാ’ എന്ന സുരേഷ് ഗോപിയുടെ പ്രസംഗം. അതിനെ കുറിച്ചും അദ്ദേഹം വിശദീകരിക്കുന്നു.’തൃശ്ശൂര് എടുക്കുകയാണെന്ന് പറഞ്ഞത് വളരെ സ്നേഹത്തോടെയാണ്. ഇപ്പോഴുള്ള തൃശ്ശൂര് എടുത്ത് അതിനെക്കാള് മികച്ച ഒരു തൃശ്ശൂരിനെ ജനങ്ങള്ക്ക് നല്കണമെന്നാണ് ആഗ്രഹം’.അദ്ദേഹം പറഞ്ഞു.