Wednesday, January 20

പുതിയ നിഗൂഢതയുടെ ചുരുള്‍ അഴിക്കാന്‍ അന്‍വര്‍ ഹുസൈന്‍ വരുന്നു;’ആറാം പാതിര’യുടെ ഫസ്റ്റ്‌ലുക്ക് പോസ്റ്റര്‍

Pinterest LinkedIn Tumblr +

2020 -ല്‍ മലയാള സിനിമയില്‍ ഹിറ്റായ അഞ്ചാം പാതിരയുടെ ഒന്നാം വാര്‍ഷിക ദിനത്തില്‍ ചിത്രത്തിന്റെ രണ്ടാം ഭാഗവും എത്തുന്നു. കഴിഞ്ഞ ജനുവരി 10ന് തിയേറ്ററില്‍ എത്തിയ ചിത്രം കുഞ്ചാക്കോ ബോബന്റെ കരിയറിലെ ഏറ്റവും വലിയ ഹിറ്റുകളില്‍ ഒന്നാണ്. ആറാം പാതിരാ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് മിഥുന്‍ മാനുവല്‍ പുറത്ത് വിട്ടു . അഞ്ചാം പാതിരയുടെ അണിയറക്കാര്‍ തന്നെയാണ് ആറാം പാതിരയിലും.

‘അന്‍വര്‍ ഹുസൈന്‍ പുതിയ ഒരു നിഗൂഢതയിലേക്ക് കാലെടുത്ത് വെക്കുന്നു.. ഒരു പുതിയ കേസ്, ഒരു പുതിയ നിഗൂഢതയുടെ ചുരുള്‍ അഴിയുന്നു.. ആറാം പാതിരാ. ഈ ത്രില്ലര്‍ രൂപപ്പെടുന്നതിന് സാക്ഷിയാവുന്നതില്‍ ഏറെ ആവേശമുണ്ട്’, ടൈറ്റില്‍ പോസ്റ്ററിനൊപ്പം മിഥുന്‍ ഫേസ്ബുക്കില്‍ കുറിച്ചു.

കുഞ്ചാക്കോ ബോബനും ‘അഞ്ചാം പാതിരാ’ നിര്‍മ്മാതാവ് ആഷിക് ഉസ്മാനുമൊപ്പം ഒരു പുതിയ ത്രില്ലര്‍ ചെയ്യാന്‍ ഒരുങ്ങുകയാണെന്ന് മിഥുന്‍ മാനുവല്‍ ഇക്കഴിഞ്ഞ ഡിസംബറില്‍ പ്രഖ്യാപിച്ചിരുന്നു. അഞ്ചാം പാതിരായുടെ ബോളിവുഡ് റീമേക്കും വരാനിരിക്കുന്നുണ്ട്.

ഈ ചിത്രവും സംവിധാനം ചെയ്യുന്നത് മിഥുന്‍ മാനുവല്‍ തോമസ് ആണ്. റിലയന്‍സ് എന്റര്‍ടെയ്ന്‍മെന്റ്, എപി ഇന്റര്‍നാഷണല്‍, മലയാളം ഒറിജിനലിന്റെ നിര്‍മ്മാതാക്കളായ ആഷിക് ഉസ്മാന്‍ പ്രൊഡക്ഷന്‍സ് എന്നിവര്‍ ചേര്‍ന്നാണ് റീമേക്ക് പ്രേക്ഷകരിലേക്ക് എത്തിക്കുന്നത്.

അൻവർ ഹുസൈൻ പുതിയ ഒരു നിഗൂഢതയിലേക്ക് കാലെടുത്ത് വെക്കുന്നു..!! A new case, a new mystery is unfolding..!! ആറാം പാതിരാ ❤❤ #aarampathiraa. Super Excited to watch this thriller taking shape..!! 😊😊

Posted by Midhun Manuel Thomas on Sunday, 10 January 2021

“Lucifer”
Loading...
Share.

About Author

Comments are closed.