ഇത്തവണത്തെ ആറ്റുകാൽ പൊങ്കാല ഫെബ്രുവരി 17ന് നടക്കും. അതേസമയം, ആറ്റുകാൽ ക്ഷേത്ര ട്രസ്റ്റ് ഏർപ്പെടുത്തിയ ഈ വർഷത്തെ ആറ്റുകാൽ അംബാ പുരസ്കാരം നടൻ മോഹൻലാലിന് നൽകും. പൊങ്കാലയോട് അനുബന്ധിച്ചുള്ള കലാപരിപാടികളുടെ ഉദ്ഘാടനവും അദ്ദേഹം തന്നെ നിർവഹിക്കും. കോവിഡ് സാഹചര്യത്തിൽ വീടുകളിൽ മാത്രം പൊങ്കാല ഇടുന്നതിനുള്ള അനുമതിയാണ് നൽകിയിട്ടുള്ളത്.
ഫെബ്രുവരി ഒമ്പതിന് വൈകുന്നേരം ആറരയ്ക്ക് കലാപരിപാടികളോടെ ഉദ്ഘാടനം നടക്കും. പൂർണമായും കോവിഡ് മാനദണ്ഡങ്ങൾ പാലിച്ച് കൊണ്ടാകും ഉത്സവ ചടങ്ങുകൾ ഇത്തവണ നടക്കുക. ക്ഷേത്രത്തിലെ പണ്ടാര അടുപ്പിൽ മാത്രമാകും പൊങ്കാലയുണ്ടാകുക. ഭക്തജനങ്ങൾ അവരവരുടെ വീടുകളിൽ പൊങ്കാല അർപ്പിക്കണമെന്നും ക്ഷേത്ര ട്രസ്റ്റ് ഭാരവാഹികൾ അറിയിച്ചു.
കോവിഡ് സാഹചര്യത്തിൽ പരിമിതമായ രീതിയിൽ പൊങ്കാല നടത്തണമെന്ന് സർക്കാർ നിർദ്ദേശം നൽകിയിട്ടുണ്ട്. കഴിഞ്ഞദിവസം ചേർന്ന കോവിഡ് അവലോകന യോഗത്തിൽ ആയിരുന്നു ഇക്കാര്യം തീരുമാനിച്ചത്. ക്ഷേത്രത്തിലെ ആചാരപരമായ എല്ലാ ചടങ്ങുകളും ആള്‍ക്കൂട്ടമില്ലാതെ കോവിഡ് മാനദണ്ഡം കര്‍ശനമായി പാലിച്ച് ആയിരിക്കും ആളെ പങ്കെടുപ്പിക്കുക.
