ഒരുപാട് ആരാധകരുള്ള നടിയാണ് തെന്നിന്ത്യൻ താരം അമല പോൾ. തമിഴിനൊപ്പം തന്നെ തെലുങ്കിലും സജീവമാണ് താരം. സോഷ്യൽമീഡിയയിലും സജീവമായ താരം സിനിമാവിശേഷങ്ങൾക്ക് ഒപ്പം തന്നെ വ്യക്തിപരമായ സന്തോഷങ്ങളും വിശേഷങ്ങളും എല്ലാം ആരാധകരുമായി പങ്കുവെയ്ക്കാറുണ്ട്. തന്റെ ഇൻസ്റ്റഗ്രാമിൽ കിടിലൻ മേക്കോവർ ചിത്രങ്ങളും താരം പങ്കുവെയ്ക്കാറുണ്ട്. വർക്കല ബീച്ചിൽ അവധിക്കാലം ആഘോഷിക്കുന്നതിന്റെ മനോഹര ചിത്രങ്ങളാണ് ഇപ്പോൾ അമല പോൾ സോഷ്യൽമീഡിയ വഴി പങ്കു വെച്ചിരിക്കുന്നത്.
താരത്തിന്റെ കൈയിൽ ചരടു കെട്ടിയിരിക്കുന്നതും കഴുത്തിൽ രുദ്രാക്ഷമാല അണിഞ്ഞിരിക്കുന്നതും വ്യക്തം. വളരെ ചെറിയ ഒരു കാപ്ഷനോടെയാണ് താരം ചിത്രങ്ങൾ പങ്കുവെച്ചിരിക്കുന്നത്. ലാൽജോസ് ചിത്രമായ ‘നീലത്താമര’യിൽ ചെറിയ ഒരു വേഷം ചെയ്ത് 2009ൽ ആണ് അമല പോൾ സിനിമയിലേക്ക് അരങ്ങേറിയത്.
പിന്നീട് തമിഴിൽ വീരശേഖരന്, സിന്ധി സാമവേലി എന്നീ പടങ്ങൾ ചെയ്തെങ്കിലും 2010 ൽ പുറത്തിറങ്ങിയ മൈന എന്ന ചിത്രമാണ് അമല പോളിന്റെ കരിയർ മാറ്റിമറിച്ചത്. ചിത്രം വൻഹിറ്റ് ആകുകയും അമല പോളിന് മികച്ച നടിക്കുള്ള പുരസ്കാരം ലഭിക്കുകയും ചെയ്തു. പിന്നീട് മലയാളത്തിലും തമിഴിലും തെലുങ്കിലുമായി നിരവധി ചിത്രങ്ങളിൽ അമല അഭിനയിച്ചു.