കഴിഞ്ഞ ദിവസമായിരുന്നു ബിഗ്ബോസ് താരം അനൂപ് കൃഷ്ണന്റെ വിവാഹ നിശ്ചയം. ബിഗ് ബോസ് വീട്ടില് വെച്ചായിരുന്നു അനൂപ് തന്റെ പ്രണയിനിയെക്കുറിച്ച് വാചാലനായത്. എന്ഗേജ്മെന്റ് ചിത്രങ്ങളും വീഡിയോയും അനൂപ് പങ്കു വെച്ചിരുന്നു. എന്നാല് പ്രണയിനി ഐശ്വര്യയ്ക്കെതിരെ സോഷ്യല് മീഡിയയില് ബോഡി ഷെയ്മിങ്ങും ഉയര്ന്നു.
നിമിഷനേരം കൊണ്ടായിരുന്നു അനൂപിന്റെ എന്ഗേജ്മെന്റ് ചിത്രങ്ങളും വീഡിയോയും വൈറലായി മാറിയത്. ഇതാണോ ഇഷ, ഈ പെണ്കുട്ടിയെയാണോ അന്ന് കാണിച്ചത്, അനൂപിന് ആള് മാറിപ്പോയോ തുടങ്ങിയ ചോദ്യങ്ങളുമായാണ് ചിലരെത്തിയത്. അതിനൊപ്പമായി ഐശ്വര്യയെ ബോഡി ഷെയ്മിങ് നടത്തുന്ന തരത്തിലുള്ള കമന്റുകളുമുണ്ടായിരുന്നു. തടി കൂടുതലാണെന്നും കുറക്കുന്നത് നല്ലതായിരിക്കുമെന്നൊക്കെയായിരുന്നു കമന്റുകള്.
വിമര്ശനങ്ങള് തുടരവെയായിരുന്നു മറുപടിയുമായി അനൂപ് എത്തിയത്. എന്ഗേജ്മെന്റിനിടയിലെ ഫോട്ടോ പങ്കുവെച്ചായിരുന്നു അനൂപിന്റെ മറുപടി. ഞങ്ങള് പരസ്പരം സ്നേഹിക്കുന്നു. ഞങ്ങള് എന്ഗേജ്ഡായി, അതില് കൂടുതലൊന്നുമില്ല, കുറവും, അത്രേയുള്ളൂ എന്നായിരുന്നു അനൂപ് കുറിച്ചത്. സ്റ്റോപ്പ് ബോഡി ഷെയ്മിങ്, സ്റ്റോപ്പ് ബെയ്മിംഗ്, തിങ്ക്, പോസിറ്റീവ് വൈബ്സ് തുടങ്ങിയ ഹാഷ് ടാഗുകള്ക്കൊപ്പമായിരുന്നു ഫോട്ടോ പോസ്റ്റ് ചെയ്തത്.