മോഹന്‍ലാലിനെ നായകനാക്കി സിദ്ദിഖ് സംവിധാനം ചെയ്യുന്ന ചിത്രമാണ് ‘ബിഗ് ബ്രദര്‍’.ലേഡീസ് ആന്‍ഡ് ജെന്റില്‍മാന്‍ എന്ന ചിത്രത്തിന് ശേഷം മോഹന്‍ലാലും സിദ്ദിഖും വീണ്ടും ഒന്നിക്കുന്ന ചിത്രമെന്ന പ്രത്യേകതയും ‘ബിഗ് ബ്രദറി’നുണ്ട്. ചിത്രത്തിൽ സച്ചിദാനന്ദൻ എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്. മോഹൻലാലിന്റെ സഹോദരന്മാരായി രണ്ട് പേരാണ് അഭിനയിക്കുന്നത്.അനൂപ് മേനോനും ജൂണിലെ ഒരു നായകൻ സർജാനോ ഖാലീദുമാണ് ചിത്രത്തിൽ മോഹൻലാലിന്റെ സഹോദരങ്ങളായി എത്തുന്നത്. ഇതിനിടെ ചിത്രത്തിന്റെ ലൊക്കേഷനിൽ ഓണാഘോഷം സംഘടിപ്പിച്ചിരിക്കുകയാണ് അണിയറ പ്രവർത്തകർ. മോഹൻലാലും വിഷ്ണു ഉണ്ണിക്കൃഷ്ണനും സംവിധായകൻ സിദ്ദിഖും ഒന്നിച്ച് ഓണസദ്യ കഴിക്കുന്ന ചിത്രം ഇപ്പോൾ സോഷ്യൽ മീഡിയയിൽ വൈറലാകുകയാണ്. ഇതിനിടെ മോഹൻലാൽ നായകനായി എത്തിയ ഇട്ടിമാണി വലിയ ഹിറ്റിലേക്ക് നീങ്ങുകയാണ്.ആദ്യ ഷോ മുതൽ തിയറ്ററുകളിൽ ഗംഭീര റിപ്പോർട്ടുകളാണ് ചിത്രത്തിന് ലഭിക്കുന്നത്.ഏറെകാലത്തിന് ശേഷം മോഹൻലാൽ കോമഡി പരിവേഷമുള്ള കഥാപാത്രമായി എത്തുമ്പോൾ കുടുംബ പ്രേക്ഷകർക്ക് ആഘോഷിക്കാനുള്ള വകയെല്ലാം ചിത്രത്തിൽ സംവിധായകർ ഒരുക്കിയിട്ടുണ്ട്.
Author: Webdesk
സോനം കപൂർ പ്രധാനവേഷത്തിലെത്തുന്ന സോയ ഫാക്ടറിലൂടെ ബോളിവുഡിലും തന്റെ നിലയുറപ്പിക്കാൻ ഉള്ള പരിശ്രമത്തിലാണ് ദുൽഖർ സൽമാൻ. മലയാള സിനിമയ്ക്ക് ഇത്രയേറെ ക്വാളിറ്റിയുണ്ടാക്കാന്‍ കഴിയുന്നതെങ്ങനെ എന്ന അനുപമ ചോപ്രയുടെ ചോദ്യത്തിന് ദുല്‍ഖര്‍ നല്‍കിയ മറുപടി ഇപ്പോൾ ഏറെ ശ്രദ്ധ നേടുകയാണ്. മലയാളം ഇൻഡസ്ട്രി വളരെ ചെറുതാണെന്നും 150 മുതൽ 200 വരെ തീയേറ്ററുകൾ ആണ് ഉള്ളതെന്നും ദുൽഖർ പറയുന്നു. അതിൽ 75 തിയേറ്ററിൽ പടം ഓടി കഴിഞ്ഞാൽ തന്നെ സിനിമ ആദായകരമാകും. ഒരു സിനിമ മലയാളികളുടെ ഇന്റലിജൻസിനെ ചോദ്യം ചെയ്യുന്നത് ആണെങ്കിലോ അവരുടെ പണവും സമയവും നഷ്ടപ്പെടുത്തുന്നതാണ് എന്ന് മനസ്സിലാക്കിയാലോ മലയാളികൾ ആ ചിത്രം കാണില്ല എന്നും അതിൽ കാമ്പ് ഉണ്ടെങ്കിൽ ചിത്രത്തെ പ്രോത്സാഹിപ്പിക്കും എന്നും ദുൽഖർ പറഞ്ഞുകൊണ്ട് ഉദാഹരണമായി കുമ്പളങ്ങിയുടെ വിജയമാണ് അദ്ദേഹം ചൂണ്ടിക്കാണിക്കുന്നത്. ബോളിവുഡ് വളരെ വലിയ ഒരു ഇൻഡസ്ട്രി ആയതുകൊണ്ട് അവിടെ ഒരു ചിത്രം മോശമായാൽ അത് രാജ്യാന്തരതലത്തിൽ ബാധിക്കുമെന്നും എന്നാൽ മലയാളം ഇൻഡസ്ട്രി വളരെ ചെറുതായതിനാൽ അവിടുത്തെ…
മാമാങ്കത്തിന്റെ ആദ്യ സംവിധായകനായ സജീവ് പിള്ള ഷൂട്ട് ചെയ്ത ഇമേജ് സിനിമയുടെ പ്രചരണത്തിനായി ഇപ്പോഴും ഉപയോഗിക്കുന്നത് എന്തിന് എന്ന ചോദ്യവുമായി അദ്ദേഹം രംഗത്തെത്തിയിരിക്കുകയാണ്. താൻ ചിത്രീകരിച്ചതിൽ യാതൊന്നും ഉപയോഗിക്കില്ലെന്നും പേര് പോലും പുറത്തു കാണിക്കുക ഇല്ലെന്നും പറഞ്ഞവർ തന്നെയാണ് ഇപ്പോൾ ഷൂട്ട് ചെയ്ത ഇമേജുകൾ ഉപയോഗിക്കുന്നതെന്ന് അദ്ദേഹം പറയുന്നു. മമ്മൂട്ടിയുടെ പിറന്നാൾ ദിനത്തിൽ പുറത്തുവന്ന മാമാങ്കത്തിന്റെ പോസ്റ്ററിലെ സ്റ്റിൽ ഉൾപ്പെടെ പങ്കുവെച്ചു കൊണ്ടാണ് ഇവർക്ക് നാണമില്ലേ എന്ന് സജീവ് പിള്ള ചോദിക്കുന്നത്. ഫേസ്ബുക്ക് പോസ്റ്റ് ചുവടെ: എന്റെ വർക്ക് മോശമാണെന്നു പറഞ്ഞ് പരത്തിയവർ തന്നെ ഞാൻ ചെയ്ത ജോലി ഉപയോഗിച്ച് പണമുണ്ടാക്കാൻ ശ്രമിക്കുന്നത് കാണുമ്പോൾ എന്താ പറയേണ്ടത്? ചിരിക്കണോ കരയണോ എന്നറിയില്ല. എന്തായാലും മിണ്ടാതിരിക്കാൻ ആവുന്നിില്ല. എന്നെ “പുറന്തള്ളിയ” പ്രൊജക്ടിന്റെ പ്രചാരണത്തിന് ഇപ്പോഴും ഉപയോഗിക്കുന്നത് ഞാൻ സൃഷ്ടിച്ച അതേ ഉത്പന്നങ്ങൾ: തിരസ്കരിച്ചു എന്ന് പരസ്യമായി പറഞ്ഞവ തന്നെ! അതെന്താ അങ്ങനെ? വേറെ മികച്ചതൊന്നും കിട്ടീലേ? പറയുന്നത് മാമാങ്കത്തെക്കുറിച്ചാണ്. ഞാൻ ജീവിതം കൊടുത്ത്…
സന്തോഷ് വിശ്വനാഥൻ സംവിധാനം ചെയ്യുന്ന ഏറ്റവും പുതിയ ചിത്രത്തിൽ മമ്മൂട്ടിയെത്തുന്നത് കേരള മുഖ്യമന്ത്രി ആയിട്ടാണ്. ‘വൺ’ എന്നാണ് ചിത്രത്തിന്റെ പേര്. പൊളിറ്റിക്കൽ ത്രില്ലറായ ചിത്രത്തിന് തിരക്കഥ രചിക്കുന്നത് ബോബി-സഞ്ജയ് ടീമാണ്. ചിത്രം നിർമ്മിക്കുന്നത് ഇച്ചായിസ് പ്രൊഡക്ഷന്‍ ബാനറിലാണ്.മമ്മൂട്ടി ഇത് ആദ്യമായി അല്ല മുഖ്യമന്ത്രി വേഷമണിയുന്നത്. ഒരു തമിഴ് ചിത്രത്തിലും അദ്ദേഹം ഇങ്ങനെ അഭിനയിച്ചിട്ടുണ്ട്. ആന്ധ്രപ്രദേശ് മുന്‍ മുഖ്യമന്ത്രി വൈഎസ് രാജശേഖര റെഡ്ഡിയുടെ ജീവിതകഥയില്‍ നായകനായി അദ്ദേഹം എത്തിയിരുന്നു. മലയാളത്തില്‍ ബാലചന്ദ്രമേനോന്റെ നയം വ്യക്തമാക്കുന്നു എന്ന ചിത്രത്തില്‍ മന്ത്രിയായാണ് അദ്ദേഹം വേഷമിട്ടത്.ഈ ചിത്രത്തിൽ മമ്മൂട്ടി മുഖ്യമന്ത്രിയാവാൻ തയ്യാറായില്ലായിരുന്നെങ്കിൽ താൻ ഈ പ്രൊജക്ട് തന്നെ ഉപേക്ഷിക്കുമായിരുന്നു എന്നാണ് സംവിധായകൻ സന്തോഷ് വിശ്വനാഥൻ പറയുന്നത്. ബോബി-സഞ്ജയ് കൂട്ടുകെട്ട് മമ്മൂട്ടിക്ക് വേണ്ടി തിരക്കഥയെഴുതുന്ന ആദ്യത്തെ ചിത്രമാണിത്. ഒക്ടോബർ പകുതി വരെ ഷൈലോക്ക് ലൊക്കേഷനിൽ ആയിരിക്കും മമ്മൂട്ടി.അതിന് ശേഷമായിരിക്കും മമ്മൂട്ടി വണ്ണിൽ ജോയിൻ ചെയ്യുക.തിരുവനന്തപുരത്തും എറണാകുളത്തുമായിട്ടാണ് ചിത്രത്തിന്റെ ഷൂട്ടിംഗ് പൂർത്തിയാക്കുക.
മമ്മൂട്ടി പ്രധാന കഥാപാത്രത്തെ അവതരിപ്പിക്കുന്ന ബിഗ് ബഡ്ജറ്റ് ചിത്രം മാമാങ്കം ഈ വർഷം ഒക്ടോബറിൽ റിലീസിന് എത്തും എന്നാണ് റിപ്പോർട്ടുകൾ. പ്രശസ്ത സംവിധായകൻ ആയ എം പദ്മകുമാർ സംവിധാനം ചെയ്യുന്ന ചിത്രം കാവ്യാ ഫിലിമ്സിന്റെ ബാനറിൽ വേണു കുന്നപ്പിള്ളി ആണ് നിർമ്മിക്കുന്നത്. ഇപ്പോൾ പോസ്റ്റ് പ്രൊഡക്ഷൻ സ്റ്റേജിൽ നിൽക്കുന്ന ചിത്രത്തിന്റെ ടീസർ ഉടൻ പുറത്തുവരുമെന്നാണ് ലഭിക്കുന്ന റിപ്പോർട്ടുകൾ. രണ്ട് ദിവസങ്ങൾക്ക് മുമ്പ് മാമാങ്കത്തിന്റെ ഒരു ഗെറ്റ്ടുഗെദർ ഫങ്ക്ഷൻ സംഘടിപ്പിച്ചിരുന്നു. മമ്മൂട്ടിയും ചടങ്ങിൽ പങ്കെടുത്തിരുന്നു. ചടങ്ങിനിടെ മമ്മൂട്ടി പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.സാധാരണ സിനിമകൾ റീലീസ് ചെയ്യുന്നത് ഓണത്തിനും വിഷുവിനും ഈദിനും ഒക്കെയാണ് എന്നാൽ മാമാങ്കത്തിന്റെ റീലീസ് ദിവസം പ്രേക്ഷകർ ഓണവും വിഷുവും ബക്രീദും എല്ലാം ആഘോഷിക്കേണ്ടത് എന്നാണ്.മമ്മൂക്കയുടെ ഈ വാക്കുകൾ ഏറെ വൈറലായിരിക്കുകയാണ് ഇപ്പോൾ.ഒക്ടോബർ 31നാണ് ചിത്രം തിയറ്ററുകളിൽ എത്തുന്നത്.
ജയലളിതയുടെ ജീവിതകഥയെ ആസ്പദമാക്കി ഗൗതം മേനോൻ ഒരുക്കുന്ന ക്വീൻ എന്ന വെബ് സീരീസിന്റെ ഫസ്റ്റ് ലുക്ക് പുറത്തിറങ്ങി. രമ്യ കൃഷ്ണൻ ജയലളിതയായി എത്തുമ്പോൾ എംജിആർ ആയി എത്തുന്നത് നടൻ ഇന്ദ്രജിത്ത് ആയിരിക്കും. ജൂൺ ഫെയിം സർജാനോ ഖാലിദും ചിത്രത്തിലൊരു വേഷത്തിലെത്തുന്നുണ്ട്. വെബ് സീരിസ് സംവിധാനം ചെയ്യുന്നത് ഗൗതം വാസുദേവ് മേനോന്‍, പ്രശാന്ത് മുരുകേശന്‍ എന്നിവര്‍ ചേര്‍ന്നാണ്. ചിത്രം മുഖ്യമായി പറയുന്നത് ജയലളിതയുടെ സ്കൂൾ ജീവിതം, രാഷ്ട്രീയത്തിലേക്കുള്ള കാൽവയ്പ്പ് എംജി രാമചന്ദ്രന്റെ മരണത്തിനുശേഷം അദ്ദേഹത്തിന്റെ സ്ഥാനം ഏറ്റെടുക്കൽ എന്നിവയാണ്. എം എക്സ് പ്ലെയർ നിർമ്മാണം ചെയ്യുന്ന സീരീസിലെ അഞ്ച് എപ്പിസോഡുകൾ ഗൗതം മേനോൻ സംവിധാനം ചെയ്യുമ്പോൾ അഞ്ച് എപ്പിസോഡുകൾ സംവിധാനം ചെയ്യുന്നത് പ്രശാന്ത് ആണ്. ആദ്യ സീസണിൽ 10 എപ്പിസോഡുകൾ ആണുള്ളത്. ആദ്യ സീസണിന്റെ പ്രതികരണം അനുകൂലമാണെങ്കിലേ രണ്ടാം സീസൺ ആരംഭിക്കുകയുള്ളൂ.
പ്രിയനടി സായി പല്ലവിയും തെലുങ്ക് സൂപ്പർ താരം റാണാ ദഗ്ഗുബാട്ടിയും ഒന്നിക്കുന്ന പുതിയ ചിത്രമാണ് ‘വിരത പര്‍വ്വം 1992’. ചിത്രത്തിന്റെ ഷൂട്ടിങ്ങിന് വേണ്ടി ബസ് സ്റ്റോപ്പില്‍ ബസ് കാത്തിരുന്ന സായി പല്ലവിയുടെ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലാവുകയാണ്. തെലുങ്കാനയിലെ വരാങ്കല്‍ എന്ന ഗ്രാമത്തിലെ പബ്ലിക് ബസ് സ്റ്റോപ്പിലാണ് സായ് ബസ് കാത്തിരുന്നത്. ബാഗുമായി സാരിയുടുത്ത് ഒരു സാദാ പെണ്‍കുട്ടിയെ പോലെ തോന്നിപ്പിക്കുന്ന സായ് പല്ലവിയെ പക്ഷെ ആയം ശ്രദ്ധിച്ചത് പോലുമില്ല. ബസ് സ്റ്റോപ്പിലെ ബെഞ്ചില്‍ മറ്റ് യാത്രക്കാര്‍ക്കൊപ്പം ഇരുന്നെങ്കിലും താരത്തെ ആരും തിരിച്ചറിഞ്ഞില്ല. തൊട്ടടുത്ത ഹോട്ടലില്‍ ക്യാമറ വച്ചാണ് ബസ് സ്റ്റോപ്പിലെ വിഷ്വല്‍സ് പകര്‍ത്തിയിരിക്കുന്നത്.
രണ്ട് വർഷം മുമ്പുള്ള ഓണക്കാലത്ത് തരംഗമായിരുന്ന ജിമ്മിക്കി കമ്മൽ ഓർമയില്ലേ.വെളിപാടിന്റെ പുസ്തകം എന്ന സിനിമയ്ക്ക് വേണ്ടി ഷാൻ റഹ്മാൻ ഈണമിട്ട ഈ ഗാനത്തിനൊത്ത് ചുവട് വെക്കാത്ത ഒരു മലയാളി പോലും കാണില്ല എന്ന് വേണമെങ്കിൽ പറയാം. അത്രമേൽ വൈറലായ ഈ ഗാനം പല പല സോഷ്യൽ മീഡിയ സെലിബ്രിറ്റികളേയും നമ്മുക്ക് സമ്മാനിക്കുകയും ചെയ്തു.ഇപ്പോൾ ജിമ്മിക്കി കമ്മലിന്റെ പാത പിടിക്കുകയാണ് മറ്റൊരു ഷാൻ റഹ്മാൻ ഗാനം നിവിൻ പോളി നായകനായ ലൗ ആക്ഷൻ ഡ്രാമയിലെ കുടുക്ക് ഗാനമാണ് മറ്റൊരു ജിമ്മിക്കി കമ്മൽ എന്ന നിലയിലേക്ക് ഉയർന്നു കൊണ്ടിരിക്കുന്നത്.കുടുക്ക് ഗാനത്തിനൊത്ത് ചുവട് വെക്കുന്നവരുടെ നിര ഓരോ ദിവസവും കൂടി വരുകയാണ്. എന്തിന് പറയുന്നു സെലിബ്രിറ്റികൾ വരെ ഈ ഗാനത്തിനൊത്ത് ചുവട് വെക്കുന്നു.ഉണ്ണി മുകുന്ദൻ ഈ ഗാനത്തിനൊത്ത് ഡാൻസ് കളിക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു.എന്തായാലും കാത്തിരിക്കാം ജിമ്മിക്കി കമ്മൽ ലെവലിലേക്ക് കുടുക്ക് ഉയരുന്നതിനായി
മോഹൻലാൽ നായകനായി എത്തിയ ഇട്ടിമാണി മെയ്ഡ് ഇൻ ചൈന കഴിഞ്ഞ ദിവസം തിയറ്ററുകളിൽ റിലീസ് ചെയ്യുകയുണ്ടായി.ആദ്യ ഷോ മുതൽ തിയറ്ററുകളിൽ ഗംഭീര റിപ്പോർട്ടുകളാണ് ചിത്രത്തിന് ലഭിക്കുന്നത്.ഏറെകാലത്തിന് ശേഷം മോഹൻലാൽ കോമഡി പരിവേഷമുള്ള കഥാപാത്രമായി എത്തുമ്പോൾ കുടുംബ പ്രേക്ഷകർക്ക് ആഘോഷിക്കാനുള്ള വകയെല്ലാം ചിത്രത്തിൽ സംവിധായകർ ഒരുക്കിയിട്ടുണ്ട്. ചിത്രത്തിന്റെ വിജയാഘോഷം ഇപ്പോൾ മോഹൻലാലിന്റെ പുതിയ ചിത്രമായ ബിഗ് ബ്രദറിന്റെ ലൊക്കേഷനിൽ നടന്നിരിക്കുകയാണ്.ഓൾ കേരള മോഹൻലാൽ ഫാൻസ് കൾച്ചറൽ വെൽഫെയർ അസോസിയേഷന്റെ നേതൃത്വത്തിൽ ആയിരുന്നു വിജയാഘോഷം സംഘടിപ്പിച്ചത്. സിദ്ദിഖ് ആണ് ചിത്രം സംവിധാനം ചെയ്യുന്നത്. ഇൻഡസ്ട്രിയൽ ഹിറ്റ് ആയി മാറിയ ലൂസിഫറിന് ശേഷം മോഹൻലാൽ നായകനായി എത്തിയ ചിത്രമാണ് ഇട്ടിമാണി മെയ്ഡ് ഇൻ ചൈന. നവാഗതരായ ജിബിയും ജോജുവും ചേർന്നാണ് ചിത്രം സംവിധാനം ചെയ്യുന്നത്. ഇവർ തന്നെയാണ് തിരക്കഥയും രചിച്ചിരിക്കുന്നത്.യുവനടി ഹണി റോസാണ് ചിത്രത്തിൽ നായികയായെത്തുന്നത്.ചിത്രത്തിൽ തൃശ്ശൂർ ഭാഷ സംസാരിക്കുന്ന കുന്നംകുളംകാരൻ മാണിക്കുന്നേൽ ഇട്ടി മാത്തന്റെ മകൻ ഇട്ടിമാണി ആയിട്ടാണ് മോഹൻലാൽ അഭിനയിക്കുന്നത്.
നടൻ ഹേമന്ത് മേനോൻ വിവാഹിതനായി.നിൽന നായർ ആണ് വധു.മുപ്പത് വയസ്സുകാരനായ ഹേമന്ത് നിരവധി ചിത്രങ്ങളിൽ ഭാഗമായിട്ടുണ്ട്.കലൂരിലെ ഭാസ്കരീയം കണ്വെൻഷൻ സെന്ററിൽ വെച്ചായിരുന്നു വിവാഹം.