Saturday, July 24

ബാബുരാജിനൊപ്പമുള്ള ആക്ഷന്‍ രംഗത്തിനിടെ വിശാലിന് പരിക്ക്; വീഡിയോ

Pinterest LinkedIn Tumblr +

സിനിമാ ഷൂട്ടിങ്ങിനിടെ നടന്‍ വിശാലിന് പരുക്ക്. ആക്ഷന്‍ രംഗം ചിത്രീകരിക്കുന്നതിനിടെ താരത്തിന്റെ തോളിന് പരുക്കേല്‍ക്കുകയായിരുന്നു. വില്ലന്‍ കഥാപാത്രത്തെ അവതരിപ്പിക്കുന്ന ബാബുരാജും വിശാലും തമ്മിലുള്ള ക്ലൈമാക്‌സ് ഷൂട്ടിലാണ് അപകടം പറ്റിയത്. ബാബുരാജ്, വിശാലിനെ എടുത്തെറിയുന്നതായിരുന്നു രംഗം. റോപ്പില്‍ കെട്ടി ഉയര്‍ന്ന വിശാലിന്റെ തോള് ഭിത്തിയില്‍ ഇടിക്കുകയായിരുന്നു. സെറ്റില്‍ ഫിസിയോതെറാപ്പിസ്റ്റ് ഉണ്ടായിരുന്നതിനാല്‍ ഉടന്‍ തന്നെ വൈദ്യസഹായം ലഭിച്ചു.

 

സമാന്തരമായി പോകുന്ന മൂന്ന് കഥകളും കഥാപാത്രങ്ങളുമാണ് സിനിമയില്‍ അവതരിപ്പിക്കുന്നത്. വിശാലും ഡിംപിള്‍ ഹയതിയും ബാബുരാജുമാണ് സിനിമയില്‍ ഈ കഥാപാത്രങ്ങളെ അവതരിപ്പിക്കുന്നത്. മൂന്ന് എപ്പിസോഡുകള്‍ ആയി മുന്നോട്ടു പോകുന്ന സിനിമയുടെ അവസാനത്തില്‍ മൂന്ന് കഥാപാത്രങ്ങളും നേര്‍ക്കുനേര്‍ വരികയാണ്. അജിത്ത് നായകനായ ‘ജന’യിലും വിക്രം നായകനായ ‘സ്‌കെച്ചി’ലും ബാബുരാജ് മുന്‍പ് അഭിനയിച്ചിട്ടുണ്ട്.

വിശാലിന്റെ 31മത്തെ ചിത്രമാണിത്. ജൂലൈ അവസാനത്തോടെ ചിത്രത്തിന്റെ ഷൂട്ടിംഗ് പൂര്‍ത്തിയാക്കാന്‍ ഇരുന്നതായിരുന്നു അണിയറ പ്രവര്‍ത്തകര്‍. എന്നാല്‍ വിശാലിന് പരുക്ക് പറ്റിയതിനാല്‍ ഷെഡ്യൂള്‍ നീളാന്‍ സാധ്യതയേറെയാണ്. ദിലീഷ് പോത്തന്റെ ‘ജോജി’യിലെ പ്രകടനം ഇഷ്ട്ടപെട്ടതിനെ തുടര്‍ന്നാണ് വിശാല്‍ നായകനാകുന്ന സിനിമയിലേക്ക് ബാബുരാജിനെ ക്ഷണിച്ചത്. തു പ ശരവണന്‍ ആണ് സംവിധായകന്‍. തെലുങ്ക് തമിഴ് താരം ഡിംപിള്‍ ഹയതിയാണ് നായിക. വിശാല്‍ നേരിട്ട് ഫോണ്‍ ചെയ്താണ് ചിത്രത്തിലേക്ക് ക്ഷണിച്ചതെന്ന് ബാബുരാജ് പറഞ്ഞിരുന്നു.

teevandi enkile ennodu para
Loading...
Share.

About Author

Comments are closed.