എന്നും ഒരു അത്ഭുതത്തോടെ മാത്രം ഏവരും നോക്കി കാണുന്ന ഒരു കലാകാരനാണ് ഡാവിഞ്ചി സുരേഷ്. തീർത്തും വ്യത്യസ്തമായ മീഡിയത്തിൽ തന്റെ കലാസൃഷ്ടികൾ തീർക്കുന്ന ഡാവിഞ്ചി സുരേഷ് കഴിഞ്ഞ ദിവസം 8500 ആണികളിൽ ഫഹദ് ഫാസിലിനെ സൃഷ്ടിച്ച് ഡാവിഞ്ചി സുരേഷ് കഴിഞ്ഞ ദിവസം വാർത്തകളിൽ ഇടം പിടിച്ചിരുന്നു. ഇപ്പോഴിതാ ഡാവിഞ്ചി സുരേഷ് വീണ്ടും ഏവരെയും ഞെട്ടിച്ചിരിക്കുകയാണ്.
വിറകിൽ പൃഥ്വിരാജിനെ തീർത്താണ് ഇത്തവണ ഡാവിഞ്ചി സുരേഷ് എത്തിയിരിക്കുന്നത്. അദ്ദേഹം തന്നെയാണ് ചിത്രം സോഷ്യൽ മീഡിയയിൽ പങ്ക് വെച്ചത്. “വിറകിൽ വിരിഞ്ഞ പൃഥ്വിരാജ്. പേപ്പറിൽ വരക്കും പോലെ എളുപ്പമല്ല വിറകുകൾ കൊണ്ട് ചിത്രം വരക്കുന്നത് ഛായ കൊണ്ട് വരാൻ പരമാവധി ശ്രമം നടത്തി…… കണ്ടെത്താൻ ഇനിയും മീഡിയങ്ങൾ ഈ ലോകത്തുണ്ട് ശ്രമം തുടരും വീഡിയോ തിങ്കളാഴ്ച യൂടൂബിൽ” എന്ന ക്യാപ്ഷനോട് കൂടിയാണ് ചിത്രം പങ്ക് വെച്ചിട്ടുള്ളത്.