ഇന്ന് രാവിലെയാണ് സംവിധായകൻ ജൂഡ് ആന്റണി ജോസഫ് തന്റെ വാഹനത്തിന് പരിക്ക് പറ്റിയ വാർത്ത ഫേസ്ബുക്ക് വഴി പുറത്തു വിട്ടത്. ഇടിച്ചിട്ട് പോയത് ആരാണെങ്കിലും സഹകരിക്കണം എന്നാവശ്യപ്പെട്ടാണ് അദ്ദേഹം പോസ്റ്റിട്ടത്.
ഇന്നലെ രാത്രി പത്തു മണി സമയത്തു കുടമാളൂരിന് അടുത്തുള്ള അമ്പാടിയിൽ എന്റെ ഭാര്യവീടിന്റെ പുറത്തു പാർക്ക് ചെയ്തിരുന്ന എന്റെ പാവം കാറിനിട്ട് ഇടിച്ചു ഈ കോലത്തിലാക്കിയ മഹാനെ നിങ്ങൾ ആരാണെങ്കിലും ഒരഭ്യർത്ഥന നിങ്ങളുടെ കാറിനും സാരമായി പരുക്ക് പറ്റി കാണുമല്ലോ , ഇൻഷുറൻസ് ക്ലെയിം കിട്ടാൻ ജി ഡി എൻട്രി നിര്ബന്ധമാണ്. അതിന് സഹകരിക്കണം. മാന്യത അതാണ് . ഇല്ലേലും സാരമില്ല . നമ്മളൊക്കെ മനുഷ്യരല്ലേ? എന്റെ എളിയ നിഗമനത്തിൽ ചുവന്ന സ്വിഫ്റ്റ് ആകാനാണ് സാധ്യത. (കാർ പാർക്ക് ചെയ്തതിന്റെ കുഴപ്പമാണെന്നാണ് താഴെ വരുന്ന കമ്മന്റുകളിൽ കൂടുതലും. ഇറക്കം കുറഞ്ഞ വസ്ത്രം ഇടുന്നത് കൊണ്ടാണ് പെൺകുട്ടികൾ പീഡിപ്പിക്കപ്പെടുന്നത് എന്ന് പറഞ്ഞ മഹാന്മാർ ഉള്ള നാടല്ലേ. അത്ഭുതമില്ല)
രോഹിത് എന്ന ചെറുപ്പക്കാരനാണ് തന്റെ വണ്ടിക്ക് ഒരു പൂച്ച വട്ടം ചാടിയപ്പോൾ വെട്ടിച്ചതാണെന്ന് വെളിപ്പെടുത്തി ഇപ്പോൾ എത്തിയിരിക്കുന്നത്. ആ യുവാവിനൊപ്പം ജൂഡ് ആന്റണി പങ്ക് വെച്ച ലൈവ് വീഡിയോയാണ് ഇപ്പോൾ ശ്രദ്ധേയമാകുന്നത്. വണ്ടി ഇടിക്കുവാൻ ജൂഡ് ആന്റണിയാണ് കാരണം എന്ന വിധത്തിൽ കമന്റുകൾ നടത്തിയവർക്ക് തക്കതായ മറുപടിയാണ് സംവിധായകൻ കൊടുത്തിരിക്കുന്നത്. ജോജി സിനിമയെ ഓർമപ്പെടുത്തുന്നത് പോലെ “നിങ്ങളാണല്ലോ ജഡ്ജി..! നിങ്ങളാണല്ലോ എല്ലാം തീരുമാനിക്കുന്നത്..!” എന്നൊക്കെയാണ് അദ്ദേഹം മറുപടി കൊടുത്തിട്ടുള്ളത്. വീഡിയോ കാണാം.