Thursday, August 13

“പുതിയ ഒരാളോട് ഇത്ര സിമ്പിൾ ആയി സംസാരിക്കാൻ മംമ്ത ചേച്ചി കാണിച്ച ആ മനസ്സ് ഉണ്ടല്ലോ?” ഫോറൻസിക് വില്ലന്റെ കുറിപ്പ്

Pinterest LinkedIn Tumblr +

സംയുക്ത മേനോൻ നായികയായ ലില്ലിയിലെ രാജേഷ് എന്ന കൊടുംവില്ലനെ കണ്ടവർ അന്നേ തന്നെ നോട്ടമിട്ടതാണ് ആ ചെറുപ്പക്കാരനെ. പിന്നീട് ഫോറെൻസിക്കിലും ധനേഷ് ആനന്ദ് എന്ന ഈ കലാകാരന്റെ പ്രകടനം കണ്ടതോട് കൂടി പ്രേക്ഷകർ ഈ നടന്റെ ആരാധകരായിരിക്കുകയാണ്. ദേവനെ പോലെ സുന്ദരന്മാരായ വില്ലന്മാരെ മലയാളികൾ എന്നും നെഞ്ചേറ്റിയിട്ടുണ്ട്. ഒരു നായകനുള്ള എല്ലാ ലുക്കുമുള്ള ധനേഷ് നായകനായി എത്തുന്ന ഒരു ചിത്രം അത്ര വിദൂരത്തല്ല. താരം തന്റെ ഇൻസ്റ്റാഗ്രാം അക്കൗണ്ടിൽ പങ്ക് വെച്ച ഒരു കുറിപ്പാണ് ഇപ്പോൾ ശ്രദ്ധേയമായിരിക്കുന്നത്. ഫോറെൻസികിൽ കൂടെ അഭിനയിച്ച മംമ്ത മോഹൻദാസിന്റെ ലാളിത്യത്തെ കുറിച്ചാണ് കുറിപ്പ്.

ഒരുപാട് ഇഷ്ടമുള്ള നടിയാണ് മംമ്ത ചേച്ചി.. സിനിമയിൽ ആണേലും ജീവിതത്തിൽ ആണേലും അവർ ‘സൂപ്പർ’ നായികയാണ്.. 😍

ഫോറൻസിക്കിന്റെ ലൊക്കേഷനിൽ മംമ്ത ചേച്ചിയെ ആദ്യമായി കാണുമ്പോൾ എന്ത് പറയണം എന്ന് അറിയാതെ ഒന്ന് ചിരിച്ച് സൈഡിലേക്ക് മാറി നിൽക്കുകയായിരുന്നു ഞാൻ. പെട്ടന്ന് മംമ്ത ചേച്ചി എന്നെ ഒന്ന് സൂക്ഷിച്ചു നോക്കി വേഗം അടുത്തേക്ക് വന്നു. എന്നിട്ട് മുൻപരിചയം ഉള്ള ആരോടോ എന്ന പോലെ സംസാരിക്കാൻ തുടങ്ങി..

“ബസ്സിനുള്ളിലെ സീനും ഫൈറ്റും, കട്ട് ചെയ്ത് കണ്ടിരുന്നു, നന്നായിട്ടുണ്ട്…”

പിന്നെ എന്തൊക്കെയോ പറഞ്ഞു.. ഞാൻ ഇങ്ങനെ തരിച്ചു നിൽപ്പാണ്. സ്‌കൂൾ കാലഘട്ടം മുതൽ വെള്ളിത്തിരയിൽ കാണുന്ന ഒരു വലിയ താരമാണ് ഇങ്ങോട്ട് വന്ന് സംസാരിക്കുന്നത്. നമ്മളെ പോലെ ഒരു പുതിയ ഒരാളോട് ഇത്ര സിമ്പിൾ ആയി സംസാരിക്കാൻ മംമ്ത ചേച്ചി കാണിച്ച ആ മനസ്സ് ഉണ്ടല്ലോ.. 😍❤️❤️❤️

“Lucifer”
Loading...
Share.

About Author

Comments are closed.