നടിയും അവതാരകയുമായി മലയാളി പ്രേക്ഷകരുടെ പ്രിയങ്കരിയാണ് ആര്യ ബാബു. ആര്യയുടെ മുൻ ഭർത്താവ് രോഹിത് സുശീലൻ വിവാഹിതനായി എന്ന വാർത്തയാണ് ഇപ്പോൾ പുറത്തു വരുന്നത്. രോഹിത് തന്നെയാണ് തന്റെ സോഷ്യൽ മീഡിയ പേജുകളിലൂടെ ഇക്കാര്യം അറിയിച്ചത്. അതേസമയം, മുൻ ഭർത്താവിനും പങ്കാളിക്കും ആര്യ ആശംസകൾ നേർന്നു. ആര്യയുടെ ആശംസകൾക്ക് രോഹിത് നന്ദി അറിയിക്കുകയും ചെയ്തു.
രോഹിതിന്റെ സഹോദരിയും മലയാള സീരിയൽ താരവുമായ അർച്ചന സുശീലനും വിവാഹിതയായി. പ്രവീൺ ആണ് വരൻ. അർച്ചന സോഷ്യൽ മീഡിയയിലൂടെയാണ് ഇക്കാര്യം അറിയിച്ചത്. യു എസിൽ വെച്ചായിരുന്നു അർച്ചനയുടെ വിവാഹം. മാനസപുത്രി എന്ന ഹിറ്റ് സീരിയലിലെ ഗ്ലോറി എന്ന കഥാപാത്രമായാണ് അർച്ചന സീരിയലുകളിലേക്ക് എത്തിയത്. വില്ലത്തി വേഷത്തിലൂടെ സീരിയൽ രംഗത്തേക്ക് എത്തിയ അർച്ചന പിന്നീട് നിരവധി സീരിയലുകളിൽ സമാനസ്വഭാവമുള്ള കഥാപാത്രങ്ങളെ അവതരിപ്പിച്ചു. അർച്ചനയുടെ രണ്ടാമത്തെ വിവാഹമാണ് കഴിഞ്ഞദിവസം നടന്നത്.
സഹോദരിയുടെ വിവാഹത്തിനൊപ്പം തന്നെ അർച്ചനയുടെ സഹോദരനും ആര്യയുടെ മുൻ ഭർത്താവുമായ രോഹിതിന്റെ വിവാഹവും നടക്കുകയായിരുന്നു എന്നാണ് സൂചനകൾ. അർച്ചനയുടെ വിവാഹം യു എസിൽ വെച്ച് നടന്നപ്പോൾ രോഹിതിന്റെ വിവാഹം തമിഴ്നാട്ടിൽ വെച്ചാണ് നടന്നതെന്ന് റിപ്പോർട്ടുകളുണ്ട്. അമേരിക്കയിൽ വെച്ച് അടുത്ത സുഹൃത്തുക്കളുടെ സാന്നിധ്യത്തിലാണ് അർച്ചന വിവാഹിതയായത്. അർച്ചനയുടെ കുടുംബാംഗങ്ങൾ എന്തുകൊണ്ടാണ് വിവാഹത്തിൽ പങ്കെടുക്കാതിരുന്നത് എന്ന് സോഷ്യൽ മീഡിയയിൽ ചോദ്യമുയർന്നിരുന്നു.
View this post on Instagram