ഒരു മതവും ആരോടും ഷഡ്ഡി ഇടാൻ പറയുന്നില്ലെന്ന നടൻ ഹരീഷ് പേരടി. ഫേസ്ബുക്കിൽ പങ്കുവെച്ച കുറിപ്പിലാണ് ഹരീഷ് ഇങ്ങനെ പറഞ്ഞത്. ഷഡ്ഡി ജനാധിപത്യത്തിന്റെ ഒരു വല്ലാത്ത ചോയിസാണെന്നും എല്ലാ മതക്കാർക്കും മതമില്ലാത്തവർക്കും പൊതുസമ്മതനാണ് ഷഡ്ഡിയെന്നും ഹരീഷ് പേരടി കുറിച്ചു. ഷഡ്ഡിയെ പോലെയുള്ള ഒരു ജനാധിപത്യ വസ്ത്രം ഒരു പാർട്ടികളുടെയും തെരഞ്ഞെടുപ്പ് ചിഹ്നം പോലുമല്ലെന്നും ഹരീഷ് പേരടി കുറിച്ചു.
ഹരീഷ് പേരടി ഫേസ്ബുക്കിൽ കുറിച്ചത് ഇങ്ങനെ, ‘ഒരു മതവും ആരോടും ഷഡ്ഡി ഇടാൻ പറയുന്നില്ല… പക്ഷെ നിങ്ങളുടെ ലൈഗിംഗ അവയവങ്ങളെ ഇങ്ങിനെ ഉഷണിപ്പിച്ചു നിർത്തുന്നത് ശാസ്ത്രീയമായി ശരിയല്ലാ എന്നറിഞ്ഞിട്ടും എല്ലാ പുരോഗമനവാദികളും എല്ലാ മതക്കാരും ഷഡ്ഡിയിട്ടാണ് പൊതുസമൂഹത്തിൽ ഇറങ്ങുന്നത്… എല്ലാ മതക്കാർക്കും മതമില്ലാത്തവർക്കും പൊതുസമ്മതനായ ഷഡ്ഡിയെ പോലെയുള്ള ഒരു ജനാധിപത്യ വസ്ത്രം ഒരു പാർട്ടികളുടെയും തിരഞ്ഞെടുപ്പ് ചിഹ്നം പോലുമല്ല… മതമില്ലാത്ത,രാഷ്ടിയമില്ലാത്ത ഷഡ്ഡിയെ പോലത്തെ ഒരു പൊതു വസ്ത്രം നമ്മൾ കണ്ടെത്തേണ്ടിയിരിക്കുന്നു… ഷഡ്ഡി നി ശരിക്കും ജനാധിപത്യത്തിന്റെ ഒരു വല്ലാത്ത ചോയിസാണ്…’
നാടകത്തിൽ നിന്ന് സിനിമയിലേക്ക് എത്തിയ നടനാണ് ഹരീഷ് പേരടി. സിബി മലയിലിന്റെ ആയിരത്തിൽ ഒരുവൻ എന്ന സിനിമയിലാണ് ഹരീഷ് പേരടി ആദ്യമായി അഭിനയിച്ചത്. ലെഫ്റ്റ് റൈറ്റ് ലെഫ്റ്റ് എന്ന സിനിമയിലെ കൈതേരി സഹദേവൻ എന്ന കഥാപാത്രമാണ് ഹരീഷിന് കൂടുതൽ പ്രേക്ഷകശ്രദ്ധ നേടിക്കൊടുത്തത്.