ലോക്ഡൗണ്‍ കാലത്ത് മലയാള സിനിമയിലെ സൂപ്പര്‍ താരങ്ങള്‍ എല്ലാം സോഷ്യല്‍ മീഡിയയില്‍ വളരെയധികം ആക്ടീവ് ആണ്. സിനിമയില്‍ എത്തിയ ശേഷം മലയാളത്തിലെ താര രാജാക്കന്മാരായ മോഹന്‍ലാലും മമ്മൂട്ടിയും ഏറ്റവുമധികം കോവിഡ് കാലത്ത് ചെലവഴിച്ചത് കുടുംബത്തോടൊപ്പം ആയിരുന്നു. വിശ്രമമില്ലാത്ത തിരക്കുകളില്‍ താരങ്ങള്‍ക്ക് ഒരു വിശ്രമവേള സമ്മാനിച്ചത് ഈ കോവിഡ് കാലമാണ്.
ക്യാമറയും ഫോട്ടോഗ്രാഫിയും ആയി മമ്മൂട്ടി വീടിനുള്ളില്‍ വളരെയധികം തിരക്കിലാണ്. വീട്ടിലിരുന്നു എടുത്ത ചിത്രങ്ങള്‍ താരം മുന്‍പ് സോഷ്യല്‍ മീഡിയയിലൂടെ പങ്കുവച്ചിരുന്നു. ഇപ്പോഴിതാ മമ്മൂട്ടിയുടെ ഏറ്റവും പുതിയ ചിത്രങ്ങള്‍ ആണ് സോഷ്യല്‍ മീഡിയയിലൂടെ വൈറലാകുകയാണ്.
ചിത്രം വളരെ ചുരുങ്ങിയ സമയം കൊണ്ടാണ് സോഷ്യല്‍ മീഡിയ ഏറ്റെടുത്തത്. അദ്ദേഹം വീട്ടില്‍ നിന്നും വര്‍ക്ക്ഔട്ട് ചെയ്യുന്ന രണ്ട് ചിത്രങ്ങള്‍ ആയിരുന്നു ഇന്‍സ്റ്റഗ്രാമില്‍ കഴിഞ്ഞദിവസം പോസ്റ്റ് ചെയ്തത്. സെലിബ്രിറ്റികള്‍ അടക്കം നിരവധി പേരാണ് ചിത്രം സോഷ്യല്‍ മീഡിയയില്‍ ഷെയര്‍ ചെയ്തത്. രസകരമായ തലക്കെട്ടുകളില്‍ ആണ് ചിത്രങ്ങള്‍ സോഷ്യല്‍ മീഡിയകളില്‍ പടര്‍ന്നത്. ഇപ്പോഴിതാ ചിത്രങ്ങള്‍ പങ്കുവെച്ചുകൊണ്ട് മമ്മൂട്ടിയുടെയും മോഹന്‍ലാലിനെയും സൗന്ദര്യത്തെ വര്‍ണിക്കുകയാണ് മലയാളത്തിലെ പ്രിയപ്പെട്ട നടന്‍ ഹരീഷ് പേരടി. വളരെ ചുരുങ്ങിയ സമയം കൊണ്ടാണ് കുറിപ്പ് സോഷ്യല്‍ മീഡിയയില്‍ ശ്രദ്ധ നേടിയിരിക്കുന്നത്.
കുറിപ്പ് വായിക്കാം:
ഇവരുടെ കൂട്ടുക്കാരനും അനിയനുമാവാന്‍ ഇനി വലിയ പ്രയാസമാണ്…മലയാള സിനിമയില്‍ പിടിച്ച് നില്‍ക്കാന്‍ എന്റെ മുന്നില്‍ ഒരു വഴി മാത്രമെയുള്ളു..നന്നായി ഭക്ഷണം കഴിച്ച് വ്യായമങ്ങള്‍ ഒന്നും ചെയ്യാതെ വയറും തടിയും കൂട്ടി ഇവരുടെ അച്ഛനും ഏട്ടനുമാവുക…മമ്മുക്കയോടും ലാലേട്ടനോടും പിടിച്ച് നില്‍ക്കാന്‍ അവരായിട്ട് കാര്യമില്ല..അവരുടെ അച്ഛനാവണം…
