പ്രണവ് മോഹൻലാലിനെ നായകനാക്കി അരുൺ ഗോപി സംവിധാനം നിർവഹിക്കുന്ന ഇരുപത്തിയൊന്നാം നൂറ്റാണ്ടിന് ക്ലീൻ U സർട്ടിഫിക്കറ്റ്. മുളകുപ്പാടം ഫിലിംസിന്റെ ബാനറിൽ ടോമിച്ചൻ മുളകുപ്പാടം നിർമിക്കുന്ന ചിത്രം ഈ വെള്ളിയാഴ്ച തീയറ്ററുകളിൽ എത്തും. മാസ്സ് പോസ്റ്ററും ടീസറും ഗാനവുമെല്ലാമായി ഇതിനകം പ്രേക്ഷകരുടെ ആകാംക്ഷ വർദ്ധിപ്പിച്ച ചിത്രത്തിന്റെ സംഗീതം ഗോപി സുന്ദറും തകർപ്പൻ ആക്ഷൻ രംഗങ്ങൾ പീറ്റർ ഹെയ്നുമാണ് ഒരുക്കുന്നത് എന്നത് കൂടുതൽ ആവേശം നിറക്കുന്നു. സയ ഡേവിഡാണ് നായിക. മനോജ് കെ ജയൻ, കലാഭവൻ ഷാജോൺ, ഷാജു ശ്രീധർ എന്നിങ്ങനെ മികച്ചൊരു താരനിരയും ചിത്രത്തിൽ അണിനിരക്കുന്നുണ്ട്. ആദ്യചിത്രം ഹിറ്റാക്കിയ ഒരു സംവിധായകനും ഒരു നായകനും ആദ്യമായി ഒന്നിക്കുന്നു എന്നുള്ളതും ഏറെ പ്രതീക്ഷ പകരുന്നതാണ്. ഒപ്പം ഒരു ബ്ലോക്ക് ബസ്റ്റർ നിർമാതാവും. ചിത്രത്തിന്റെ ട്രെയ്ലർ ഇന്ന് റിലീസാകും.