Friday, November 22

പ്രേക്ഷകരുടെ താൽപര്യങ്ങൾ മാനിക്കപ്പെടുന്ന ചിത്രമാണ് ഷൈലോക്ക്;മനസ്സ് തുറന്ന് നിർമാതാവ്

Google+ Pinterest LinkedIn Tumblr +
“Asif”

മമ്മൂട്ടി-അജയ് വാസുദേവ് കൂട്ടുകെട്ടില്‍ പുറത്തിറങ്ങുന്ന മെഗാ മാസ് ചിത്രം ഷൈലോക്കിനായി ഏറെ ആവേശത്തോടെയാണ് ആരാധകർ കാത്തിരിക്കുന്നത്. ചിത്രത്തിന്റെ ഷൂട്ടിംഗ് പൂർത്തിയായി. ക്രിസ്മസ് റിലീസായി ഷൈലോക് തിയേറ്ററുകളിലെത്തും. ചിത്രം നിർമ്മിക്കുന്നത് ഗുഡ്‌വില്‍ എന്റര്‍ടെയിന്‍മെന്റ്‌സിന്റെ ബാനറില്‍ ജോബി ജോര്‍ജാണ്. ചിത്രം 100 ശതമാനവും പ്രേക്ഷകരുടെ താല്‍പ്പര്യങ്ങള്‍ മാനിക്കുന്ന ചിത്രമാണെന്നാണ് ജോബി ഇപ്പോൾ തന്റെ ഫേസ്ബുക്ക് കുറിപ്പിലൂടെ പറയുന്നത്. തമിഴ് നടന്‍ രാജ് കിരണ്‍ ആദ്യമായി മലയാളത്തിലെത്തുന്നു എന്ന പ്രത്യേകതയും ഈ ചിത്രത്തിനുണ്ട്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ശനിയാഴ്ച ഏഴുമണിയ്ക്ക് റിലീസ് ചെയ്യും. നവാഗതരായ അനീഷ് ഹമീദും ബിബിന്‍ മോഹനും ചേർന്ന് തിരക്കഥ രചിച്ച ഈ ചിത്രത്തിന്റെ ചായാഗ്രഹണം രണവിന്ദും സംഗീതം ഗോപി സുന്ദറും ആണ്.

ഫേസ്‍ബുക്ക് പോസ്റ്റ് ചുവടെ:

ആർക്കും സിനിമയെടുക്കാം, എന്നാൽ അത് നന്നാകണമെങ്കിൽ ഒരു കൂട്ടായ്മ വേണം, ദൈവാനുഗ്രഹം വേണം, അതിലുപരിയായി പ്രേക്ഷകരുടെ താല്പര്യങ്ങൾ മാനിക്കപ്പെടണം, മാനിക്കപ്പെട്ടിട്ടുണ്ട് ഇ സിനിമയിൽ 100%. അപ്പോൾ ദൈവത്തിനും, പ്രേക്ഷകർക്കും സമർപ്പിക്കുന്നു ഇത്… ഗുഡ്‌വിൽ ലോഗോയിലുള്ള രണ്ട് ചക്രങ്ങൾ കറങ്ങിക്കൊണ്ടിരിക്കുകയാണ് മുന്നോട്ടു മുന്നോട്ടു… അതെ നമ്മൾ മുന്നോട്ടു തന്നെയാണ് പോകുന്നത്, കാറ്റും കോളും വരും, കാറ്റിനെയും കടലിനെയും ശാന്തമാക്കിയ ദൈവവും നിങ്ങളും കൂടെയുണ്ട് എന്ന വിശ്വാസത്തിൽ… Mega Star*, RK, GW, AV, AB, GS and JG

“Lucifer”
Share.

About Author

Comments are closed.