2001ൽ പുറത്തിറങ്ങിയ സൂപ്പർ ഹിറ്റ് ഹിന്ദി ചിത്രമാണ് കബി ഖുഷി കഭി ഗം … കരൺ ജോഹർ തിരക്കഥയെഴുതിയ ഈ ചിത്രം സംവിധാനം ചെയ്തത് യഷ് ജോഹറാണ് . ചിത്രത്തിൽ അമിതാഭ് ബച്ചൻ, ജയ ബച്ചൻ, ഷാരൂഖ് ഖാൻ, കാജോൾ, ഹൃത്വിക് റോഷൻ, കരീന കപൂർ എന്നിവർ പ്രധാന കഥാപാത്രങ്ങളെ അവതരിപ്പിച്ചു. ആഭ്യന്തരമായും അന്തർദ്ദേശീയമായും വലിയ വാണിജ്യ വിജയമായി ഇത് ഉയർന്നു. കരണിന്റെ അടുത്ത ചിത്രമായ കഭീ അൽവിദാ നാ കെഹ്ന(2006) റെക്കോർഡ് തകർക്കുന്നതുവരെ ഇന്ത്യയ്ക്ക് പുറത്ത് ഏറ്റവും കൂടുതൽ വരുമാനം നേടിയ ചിത്രരരമായിരുന്നു. അടുത്ത വർഷം നടന്ന ജനപ്രിയ അവാർഡ് ദാന ചടങ്ങുകളിൽ അഞ്ച് ഫിലിംഫെയർ അവാർഡുകൾ ഉൾപ്പെടെ നിരവധി അവാർഡുകൾ ഈ സിനിമക്ക് നേടിയെടുക്കാൻ സാധിച്ചു. ചിത്രത്തെ കുറിച്ച് നിർമാതാവ് ജോബി ജോർജ് കുറിച്ച വാക്കുകൾ ഇപ്പോൾ സോഷ്യൽ മീഡിയയിൽ വൈറലാകുകയാണ്.
ജോബി ജോർജിന്റെ ഫേസ്ബുക്ക് പോസ്റ്റ് :
Kabhi Khushi Kabhie Gham ഇന്ന് കൂടി ആയപ്പോൾ 100 പ്രാവശ്യം കണ്ടു എന്തോ ഒരിക്കൽ പോലും ബോറടിക്കുകയോ ഫോർവേഡ് ചെയ്യാൻ തോന്നാത്തതുമായ ഒരു മനോഹര സിനിമ ആയുസും ആരോഗ്യവും ഉണ്ടേൽ മലയാളത്തിൽ കുറച്ചു മാറ്റങ്ങൾ വരുത്തി ചെയ്യണം എന്ന് അതിയായ മോഹം ഉണ്ട് nb പ്രൊഡക്ഷൻ മാത്രം ഗുഡ്വിൽ.. ബാക്കിയൊക്കെ വിവരമുള്ളവർ വെല്ലുവിളി കാസ്റ്റിംഗ് മാത്രം