Saturday, July 24

ബലാത്സംഗത്തിനും പ്രകൃതിവിരുദ്ധ പീഡനത്തിനും കങ്കണ റണൗട്ടിന്റെ ബോഡി ഗാർഡിന് എതിരെ കേസ്; പ്രതികരിക്കാതെ നടി

Pinterest LinkedIn Tumblr +

ബോളിവുഡ് നടി കങ്കണ റണൗട്ടിന്റെ പേർസണൽ ബോഡിഗാർഡ് കുമാർ ഹെഗ്‌ഡെക്കെതിരെ ബലാത്സംഗത്തിനും പ്രകൃതിവിരുദ്ധ പീഡനത്തിനും പരാതി. വിവാഹവാഗ്ദാനം നൽകി തന്നെ പീഡിപ്പിച്ചെന്ന് മുംബൈയിലുള്ള ഒരു മേക്കപ്പ് ആർട്ടിസ്റ്റാണ് പരാതി നൽകിയിരിക്കുന്നത്. ഇരയുടെ മെഡിക്കൽ പരിശോധനക്ക് ശേഷം മുംബൈ പോലീസ് കേസ് രജിസ്റ്റർ ചെയ്തിട്ടുണ്ട്.

പരാതിക്കാരിയെ കുമാർ 2013ലാണ് പരിചയപ്പെടുന്നത്. കഴിഞ്ഞ വർഷം ജൂണിൽ കുമാർ പരാതിക്കാരിയെ പ്രൊപ്പോസ് ചെയ്തു. വിവാഹവാഗ്ദാനം അംഗീകരിച്ച ഇരയെ കുമാർ ഇടക്കിടക്ക് അവരുടെ ഫ്ലാറ്റിൽ പോയിക്കാണുകയും നിർബന്ധിതമായി ശാരീരിക ബന്ധത്തിൽ ഏർപ്പെടുകയും ചെയ്തുവെന്നാണ് പരാതിയിൽ പറയുന്നത്. കൂടാതെ ഏപ്രിൽ 27ന് 50000 രൂപ ഇരയുടെ പക്കൽ നിന്നും തട്ടിയെടുത്തു എന്നും പരാതിയിൽ പറയുന്നു. അതോടൊപ്പം തന്നെ കുമാറിന്റെ അമ്മ അവരുടെ മകനെ വിവാഹം കഴിക്കാൻ നിർബന്ധിക്കരുത് എന്ന് ഭീഷണിപ്പെടുത്തി എന്നും പരാതിയുണ്ട്. IPC 376, 377, 420 എന്നീ വകുപ്പുകളിലാണ് പോലീസ് കേസ് രജിസ്റ്റർ ചെയ്തിരിക്കുന്നത്.

കങ്കണയുടെ ഹെയർ സ്റ്റൈലിസ്റ്റ് ആയിരുന്ന ബ്രണ്ടൻ അലിസ്റ്റർ ഡെ ഗീയെ പ്രായപൂർത്തിയാകാത്ത പയ്യനെ പീഡിപ്പിച്ച കേസിൽ പോക്‌സോ ചുമത്തി ഈ അടുത്ത് അറസ്റ്റ് ചെയ്‌തിരുന്നു. കുമാർ തന്റെ കുടുംബത്തിൽ ഒരാളെപ്പോലെയാണ് എന്ന് നേരത്തെ വെളിപ്പെടുത്തിയിരുന്ന കങ്കണ കുമാറിനെതിരെ ഉള്ള കേസിൽ ഇതുവരെ ഒന്നും അഭിപ്രായപ്പെട്ടിട്ടില്ല. കുമാറിന്റെ ബർത്ത്ഡേക്ക് കങ്കണ നടത്തിയ പാർട്ടിയും വാർത്തകളിൽ ഇടം പിടിച്ചിരുന്നു.

teevandi enkile ennodu para
Loading...
Share.

About Author

Comments are closed.