1997 മാർച്ച് 24നാണ് കുഞ്ചാക്കോ ബോബന്റെ സിനിമ രംഗത്തേക്കുള്ള അരങ്ങേറ്റം കുറിച്ച അനിയത്തിപ്രാവ് തീയറ്ററുകളിൽ എത്തിയത്. ശാലിനിയും നായികയായി അഭിനയിച്ച ആദ്യ ചിത്രമാണത്. അനിയത്തിപ്രാവിന് 22 വയസ്സാകുമ്പോൾ ഇനിയും തകർക്കപ്പെടാത്ത ഒരു ബോക്സോഫീസ് റെക്കോർഡ് ചിത്രം ചാക്കോച്ചന് നേടിക്കൊടുത്തിട്ടുണ്ട്. ആദ്യചിത്രം തന്നെ ഇൻഡസ്ട്രി ഹിറ്റാക്കിയ നായകൻ എന്ന ചാക്കോച്ചന്റെ റെക്കോർഡ് രണ്ടു ദശാബ്ദങ്ങൾക്ക് ഇപ്പുറവും ഭേദിക്കപ്പെട്ടിട്ടില്ല.
1993ൽ പുറത്തിറങ്ങിയ മണിച്ചിത്രത്താഴിന്റെ കളക്ഷൻ റെക്കോർഡ് തകർത്താണ് അനിയത്തിപ്രാവ് അന്നത്തെ ഇൻഡസ്ട്രി ഹിറ്റായി തീർന്നത്. എന്നാൽ അതേ വർഷം തന്നെ ഓണം റിലീസായി പുറത്തിറങ്ങിയ മോഹൻലാൽ – പ്രിയദർശൻ ചിത്രം ചന്ദ്രലേഖ കളക്ഷനിൽ അനിയത്തിപ്രാവിന് വെട്ടിച്ചു. ക്രിസ്തുമസ് റിലീസായി ആറാം തമ്പുരാൻ ചന്ദ്രലേഖയുടെ റെക്കോർഡും ഭേദിച്ചു.