മലയാളസിനിമ ആവേശപൂർവ്വം കാത്തിരിക്കുന്ന ബ്രഹ്മാണ്ഡചിത്രം ആണ് മാമാങ്കം. മമ്മൂട്ടി നായകനായി എത്തുന്ന ചിത്രം ഏറെ വിവാദങ്ങളിലൂടെ കടന്നുപോയെങ്കിലും ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. ജോസഫ് എന്ന ബ്ലോക്ക്ബസ്റ്റർ ഹിറ്റിന് ശേഷം എം പത്മകുമാർ ആണ് ഈ ചിത്രം സംവിധാനം ചെയ്യുന്നത്.
ചിത്രത്തിന്റെ ഫസ്റ്റ് ലുക്ക് പോസ്റ്റർ ഇപ്പോൾ പുറത്ത് വിട്ടിരിക്കുകയാണ് അണിയറ പ്രവർത്തകർ. പോസ്റ്റർ പുറത്ത് വന്ന ഉടൻ തന്നെ സോഷ്യൽ മീഡിയയിൽ വൈറലാവുകയാണ്.മമ്മൂട്ടിയും ഉണ്ണി മുകുന്ദനുമാണ് പോസ്റ്ററിൽ ഉള്ളത്. ഏറെ പ്രത്യേകതകൾ നിറഞ്ഞ ഫസ്റ്റ് പോസ്റ്ററാണ് അണിയറ പ്രവർത്തകർ ഇപ്പോൾ പുറത്തുവിട്ടിരിക്കുന്നത്. മലയാള സിനിമയിലെ പല പ്രമുഖ താരങ്ങളും പോസ്റ്റർ തങ്ങളുടെ സോഷ്യൽ മീഡിയ അക്കൗണ്ടിൽ ഷെയർ ചെയ്തു കഴിഞ്ഞു .പൃഥ്വിരാജ് സുകുമാരൻ, കുഞ്ചാക്കോബോബൻ, അജുവർഗീസ് തുടങ്ങി മലയാള സിനിമയിലെ പ്രമുഖ താരങ്ങളെല്ലാം ചിത്രത്തിന് ആശംസകൾ ഫേസ്ബുക്ക് പോസ്റ്റിൽ കുറിച്ചു. മാമാങ്കത്തിനു വേണ്ടി കാത്തിരിക്കാൻ വയ്യ എന്ന് ദുൽഖർ സൽമാൻ ഫേസ്ബുക്കിൽ പോസ്റ്റിട്ടപ്പോൾ പൃഥ്വിരാജ് സുകുമാരൻ ആകട്ടെ ഈ ചിത്രത്തിനുവേണ്ടി താങ്കൾ മുടക്കുക എല്ലാ പരിശ്രമങ്ങൾക്കും ഫലം ഉണ്ടാകട്ടെ എന്ന് വേണു കുന്നപ്പിള്ളിക്ക് ആശംസകൾ നേർന്നു. ഇവരെ കൂടാതെ മണിക്കുട്ടൻ, ആൻറണി വർഗീസ്, സുരാജ് വെഞ്ഞാറമൂട്, സിദ്ദിഖ് തുടങ്ങി മലയാള സിനിമയിലെ ഒട്ടുമിക്ക താരങ്ങളും ചിത്രത്തിന് ആശംസ പോസ്റ്റുകൾ കുറിച്ചു.