ഹരിഹരന് സംവിധാനം ചെയ്ത മയൂഖം എന്ന ചിത്രത്തിലൂടെ അഭിനയരംഗത്തേക്കെത്തി പ്രേക്ഷകര്ക്ക് പ്രിയങ്കരിയായ നടിയാണ് മമ്ത മോഹന്ദാസ്. പിന്നീട് മമ്മൂട്ടി നായകനായി അഭിനയിച്ച ബസ്് കണ്ടക്ടര് എന്ന ചിത്രത്തിലാണ് മമ്ത വേഷമിട്ടത്. തുടര്ന്നങ്ങോട്ട് ഒരുപിടി മികച്ച ചിത്രങ്ങള്. കറു പഴനിയപ്പന് സംവിധാനം ചെയ്ത ശിവപ്പതികാരം എന്ന ചിത്രത്തില് വിശാലിന്റെ നായികയായി തമിഴ് സിനിമാ രംഗത്തും അരങ്ങേറി.
എസ്. എസ് രാജമൗലിയുടെ സംവിധാനത്തില് യമഡോംഗ എന്ന ചിത്രത്തിലെ സഹവേഷം അഭിനയിച്ചുകൊണ്ട് മമ്ത തെലുങ്കിലേയ്ക്കും രംഗപ്രവേശനം ചെയ്തു. ഈ ചിത്രം തെലുങ്കിലെ ആ വര്ഷത്തെ ഏറ്റവും മികച്ച ഹിറ്റുകളില് ഒന്നായിരുന്നു. പിന്നീട് ഗോലി എന്ന കന്നട ചിത്രത്തിലും മമ്ത വേഷമിട്ടു. നടിയായി മാത്രമല്ല ഗായികയായും മമ്ത ശ്രദ്ധനേടി.
ഇപ്പോഴിതാ മമ്ത പങ്കുവച്ച ചിത്രങ്ങളാണ് ശ്രദ്ധേയമായിരിക്കുന്നത്. സിബി ചീരന് പകര്ത്തിയ മമ്തയുടെ ചിത്രങ്ങള് സോഷ്യല് മീഡിയ ഏറ്റെടുത്തു കഴിഞ്ഞു. ജീന്സില് മോഡേണ് ലുക്കിലാണ് മമ്ത പ്രത്യക്ഷപ്പെട്ടത്.
മമ്തയുടേതായി 2022 ല് നിരവധി ചിത്രങ്ങള് പുറത്തിറങ്ങാനുണ്ട്. പൃഥ്വിരാജ് നായകനാകുന്ന ജനഗണമന, മഹേഷും മാരുതിയും, രാമ സേതു, ജൂതന്, അണ്ലോക്ക് എന്നിവയാണ് മലയാളത്തിലേതായി പുറത്തിറങ്ങാനുള്ള ചിത്രങ്ങള്. തമിഴില് ഊമൈ മിഴികള്, തെലുങ്കില് രുദ്രാംഗി എന്നീ ചിത്രങ്ങളും പുറത്തിങ്ങാനുണ്ട്.