മോഹൻലാൽ-പ്രിയദർശൻ കൂട്ടുകെട്ടിൽ ഒരുങ്ങുന്ന ബിഗ് ബജറ്റ് ചിത്രമാണ് കുഞ്ഞാലി മരയ്ക്കാർ അറബിക്കടലിലെ സിംഹം. ചിത്രത്തെ പറ്റി ഇപ്പോൾ തുറന്ന് സംസാരിക്കുകയാണ് മോഹൻലാൽ. മരയ്ക്കാറിന്റെ പ്രീബിസിനസ് കേട്ടാല് ഞെട്ടുമെന്ന പൃഥ്വിരാജിന്റെ വാക്കുകളെ ഉദ്ധരിച്ചുകൊണ്ട് അവതാരകൻ മോഹൻലാലിനോട് ചോദിച്ച ചോദ്യത്തിന് ഉത്തരമായി സിനിമയുടെ ബിസിനസിനെപ്പറ്റി സംസാരിക്കാന് തനിക്ക് അറിയില്ലെന്നും, എന്നാല് തീര്ച്ചയായും നമ്മുക്ക് ഏവര്ക്കും അഭിമാനിക്കാന് കഴിയുന്ന ചിത്രമായിരിക്കും മരയ്ക്കാറെന്നും താരം പറഞ്ഞു. ചിത്രം ഇന്ത്യയിലെ ആദ്യത്തെ നോവൽ കമാൻഡർ ആണെന്നും അതിനാൽ തന്നെ ഈ ചിത്രം ഇന്ത്യൻ നേവിക്ക് വേണ്ടി സമർപ്പിക്കുവാൻ താല്പര്യപ്പെടുന്നു എന്നും മോഹൻലാൽ കൂട്ടിച്ചേർത്തു.
മലയാളസിനിമയ്ക്ക് ചിന്തിക്കാൻ കഴിയാത്തതിനപ്പുറമുള്ള ഒരു മേക്കിങ് ആണ് ചിത്രത്തിൽ ഉള്ളതെന്നും പ്രിയദർശൻ അത് വളരെ ഭംഗിയായി നിർവഹിച്ചിട്ടുണ്ട് എന്നും താരം പറഞ്ഞു. കാലാപാനി, മണിച്ചിത്രത്താഴ്, ലൂസിഫർ എന്നീ ചിത്രങ്ങളുടെ ലീഗിലേക്ക് ഉൾപ്പെടുത്താൻ കഴിയുന്ന ഒരു ചിത്രമായിരിക്കും കുഞ്ഞാലിമരയ്ക്കാർ എന്നും മോഹൻലാൽ പറഞ്ഞു. ചിത്രം നിർമ്മിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ തന്നെയാണ്. തെന്നിന്ത്യയിലെ പ്രമുഖ നടന്മാർ ചിത്രത്തിൽ അണിനിരക്കുന്നുണ്ട്.