മലയാളി വ്യവസായിയായ ഡോ. രവി പിള്ളയുടെ ഉടമസ്ഥതയിലുള്ള ആര്‍പി ഹൈറ്റ്സിലെ 45-ാം നിലയിലെ ഫ്ളാറ്റ് മോഹൻലാൽ സ്വന്തമാക്കിയത് ഏറെ വാർത്താ പ്രാധാന്യം നേടിയിരുന്നു. ഫ്ളാറ്റില്‍ നിന്നും നോക്കിയാല്‍ ലോകത്തെ ഏറ്റവും വലിയ കെട്ടിടമായ ബുര്‍ജ് ഖലീഫ ഒരു വശത്ത് കാണാം എന്നതാണ് ഏറ്റവും വലിയ പ്രത്യേകതകളിൽ ഒന്ന്.
ദുബായ് മാളില്‍ നിന്ന് രണ്ടു മിനിറ്റ് നടപ്പ് ദൂരത്താണ് ആര്‍ പി ഹൈറ്റ്സ് എന്ന ഈ ഫ്ളാറ്റ് സ്ഥിതി ചെയ്യുന്നത്. ഏതാണ്ട് 4000 ചതുരശ്ര അടിയില്‍ മൂന്നു കിടപ്പുമുറികളോടു കൂടിയ ഫ്ളാറ്റില്‍ ഇന്‍ഫിനിറ്റി പൂള്‍ (കെട്ടിടത്തിന് പുറത്ത് ആകാശം കാണാനാവുന്ന നീന്തല്‍ക്കുളം) ഉള്‍പ്പെടെയുണ്ട്. ലോകത്തിന്റെ വിവിധ ഭാഗങ്ങളില്‍ കൗതുകകരമായി മോഹന്‍ലാല്‍ കണ്ട് വാങ്ങിയ വസ്തുക്കളുടെ ശേഖരമാണ് വീടിനെ അലങ്കരിക്കുന്നത്. മൂന്നു മാസം കൊണ്ടാണ് ഫ്ളാറ്റ് മോടിപിടിപ്പിച്ചത്. ഇപ്പോൾ ഫ്ലാറ്റിന്റെ ഉൾ വശത്തെ ചിത്രങ്ങൾ സോഷ്യൽ മീഡിയ വഴി പുറത്ത് വന്നിരിക്കുകയാണ്. ചിത്രങ്ങൾ കടപ്പാട് : മനോരമ
