മമ്മൂട്ടി പ്രധാന കഥാപാത്രത്തെ അവതരിപ്പിക്കുന്ന ബിഗ് ബഡ്ജറ്റ് ചിത്രം മാമാങ്കം ഈ വർഷം ഒക്ടോബറിൽ റിലീസിനെത്തും. പ്രശസ്ത സംവിധായകൻ ആയ എം പദ്മകുമാർ സംവിധാനം ചെയ്യുന്ന ചിത്രം കാവ്യാ ഫിലിമ്സിന്റെ ബാനറിൽ വേണു കുന്നപ്പിള്ളി ആണ് നിർമ്മിക്കുന്നത്. ഇപ്പോൾ പോസ്റ്റ് പ്രൊഡക്ഷൻ സ്റ്റേജിൽ നിൽക്കുന്ന ചിത്രത്തിന്റെ ആദ്യ ടീസർ ഇന്നലെ അണിയറ പ്രവർത്തകർ പുറത്ത് വിട്ടിരുന്നു.
ഇപ്പോൾ മാമാങ്കത്തിന്റെ ഒരു ലൊക്കേഷൻ സ്റ്റിൽ പങ്ക് വെച്ചുകൊണ്ട് ഓണാശംസകൾ അറിയിച്ചിരിക്കുകയാണ് മമ്മൂട്ടി ഇപ്പോൾ.കണ്ണാടി വെച്ച് കളർ ഷർട്ടുമിട്ട് കുതിരയുടെ പുറത്ത് ഇരിക്കുന്ന ചിത്രമാണ് മമ്മൂട്ടി ഇപ്പോൾ പുറത്ത് വിട്ടിരിക്കുന്നത്. ഇത്ര വേറിട്ട രീതിയിൽ ഓണാശംസകൾ മമ്മൂട്ടി അറിയിച്ചിരിക്കുന്നത് ഏറ്റെടുത്തിരിക്കുകയാണ് ആരാധകർ.
മാമാങ്കത്തിൽ പരാജയപ്പെട്ടുപോയ ഒരു നായകന്റെ കഥയും അതു പോലെ തന്നെ അക്കാലത്തെ അധികാര വര്ഗ്ഗത്തിന് കീഴില് വരുന്ന സാധാരണക്കാരുടെ ജീവിതവും ആണ് പറഞ്ഞുവയ്ക്കുന്നത്. ചിത്രത്തിന്റെ 80 ശതമാനവും യഥാർത്ഥ സംഭവങ്ങളെ ആസ്പദമാക്കിയുള്ളതാണ്. ചിത്രത്തില് സിദ്ധിഖ്, തരുണ് അറോറ, സുദേവ് നായര്, മണികണ്ഠന്, സുരേഷ് കൃഷ്ണ, മാസ്റ്റര് അച്യുതന് തുടങ്ങിയവരും വേഷമിടുന്നുണ്ട്.