ജയറാം, കുഞ്ചാക്കോ ബോബൻ എന്നിവരെ നായകരാക്കി രമേഷ് പിഷാരടി ആദ്യമായി സംവിധാനം നിർവഹിച്ച പഞ്ചവർണതത്ത കേരളക്കരയിൽ കുറിച്ച മികച്ച വിജയത്തിന് ശേഷം പ്രവാസികളുടെ ഇടയിലേക്ക് ചെല്ലുന്നു. നാളെ മുതൽ ചിത്രം UAE & GCC റിലീസിനൊരുങ്ങുകയാണ്. ജയറാമിന്റെ ശക്തമായ ഒരു തിരിച്ചു വരവ് കണ്ട ചിത്രത്തിൽ അദ്ദേഹത്തിന്റെ ഒരു കരിയർ ബെസ്റ്റ് പ്രകടനം തന്നെയാണ് പ്രേക്ഷകനും ആസ്വദിച്ചത്. ഒപ്പം കുഞ്ചാക്കോ ബോബന്റെ എം എൽ എ വേഷവും മനോഹരമായി. ചിരിയോടൊപ്പം തന്നെ ചിന്തയും ഉണർത്തുന്ന ചിത്രം പ്രവാസികളും നെഞ്ചേറ്റുമെന്നുറപ്പാണ്. സപ്ത തരംഗ സിനിമയുടെ ബാനറില് മണിയന്പ്പിള്ള രാജുവാണ് പഞ്ചവര്ണ്ണതത്ത നിര്മ്മിക്കുന്നത്. രമേഷ് പിഷാരടിയും ഹരി പി നായരും ചേര്ന്നാണ് കഥയും തിരക്കഥയും രചിച്ചിരിക്കുന്നത്. അനുശ്രീ, സലിം കുമാര്, ധര്മജന് ബോള്ഗാട്ടി, മല്ലിക സുകുമാരന് എന്നിവരാണ് ചിത്രത്തിലെ മറ്റുതാരങ്ങള്.