തന്റെ സുഹൃത്തും നിർമ്മാതാവുമായ ആന്റണി പെരുമ്പാവൂരിന്റെ മകളുടെ വിവാഹച്ചടങ്ങിൽ എത്തിയ മോഹൻലാലിന്റേയും കുടുംബത്തിന്റെയും ചിത്രങ്ങൾ ആണിപ്പോൾ സോഷ്യൽ മീഡിയയും ആരാധകരും ആഘോഷമാക്കുന്നത്. ബ്ലാക്ക് ആന്ഡ് റെഡ് തീമിലെ വസ്ത്രങ്ങളാണ് താരകുടുംബം അണിഞ്ഞിരിക്കുന്നത്.
മോഹന്ലാലും പ്രണവും ബ്ലാക്ക് തീമിലെ സ്യൂട്ട് അണിഞ്ഞപ്പോള് സുചിത്രയും മകള് വിസ്മയയും ചുവപ്പു നിറത്തിലെ ഗൗണ് ആണ് ധരിച്ചത്. സ്റ്റൈലിഷ് ലുക്കിലാണ് പ്രണവ് എത്തിയത്, മുടി നീട്ടിവളർത്തിയ പ്രണവിനൊപ്പമാണ് വിസ്മയയും ചടങ്ങിൽ എത്തിയത്. ഇരുവരുടെയും ചിത്രങ്ങളും വീഡിയോയും സോഷ്യൽ മീഡിയ ഏറ്റെടുത്തിരിക്കുകയാണ്.
നീണ്ട നാളത്തെ വിദേശ വാസത്തിനു ശേഷം അടുത്തിടെയാണ് വിസ്മയ നാട്ടിലേക്ക് മടങ്ങിയത്. താരപുത്രി ശരീരഭാരം കുറച്ചതും വലിയ വാര്ത്തയായിരുന്നു. ഓഗസ്റ്റ് മുപ്പതിനായിരുന്നു ആന്റണി പെരുമ്ബാവൂരിന്റെയും ശാന്തിയുടെയും മകളും ഡോക്ടറുമായ അനിഷയുടെ വിവാഹനിശ്ചയം നടക്കുന്നത്. ചെരുമ്ബാവൂര് ചക്കിയത്ത് ഡോ. വിന്സന്റിന്റെയും സിന്ധുവിന്റെയും മകനായ ഡോക്ടര് എമില് വിന്സെന്റാണ് വരന്. അനിഷയുടെ നിശ്ചയത്തിന് മോഹന്ലാലും ഭാര്യ സുചിത്രയും മകന് പ്രണവ് മോഹന്ലാലും പങ്കെടുത്തിരുന്നു.