Thursday, September 19

ലംബോർഗിനിയിൽ ഒരു റൈഡ് തരാമോയെന്ന് ആരാധിക;കൊച്ചിയിലെ ഈ റോഡിൽ കൂടി വണ്ടി ഓടിച്ചാൽ എന്നെ ചീത്ത വിളിക്കരുത് എന്ന് പൃഥ്വിരാജ്

Google+ Pinterest LinkedIn Tumblr +
“samvritha”

കലാഭവന്‍ ഷാജോണ്‍ ഒരുക്കിയ ബ്രദേഴ്‌സ് ഡേ എന്ന ചിത്രത്തിന്റെ പ്രചാരണത്തിന്റെ ഭാഗമായി മനോരമ ഓണ്‍ലൈന്‍ സംഘടിപ്പിച്ച പ്രത്യേക പരിപാടിയിൽ ലംബോര്‍ഗിനിയില്‍ റൈഡ് തരുമോ എന്നു ചോദിച്ച് ആരാധികയ്ക്ക് രസികന്‍ മറുപടി നല്‍കി പൃഥ്വിരാജ്. കാര്‍പ്രേമിയായ സഹോദരനു വേണ്ടിയുള്ള ആരാധികയുടെ ചോദ്യത്തിന് ലംബോര്‍ഗിനിയില്‍ ഒരു റൈഡ് തരാമായിരുന്നു. പക്ഷേ, ഇപ്പോഴത്തെ കൊച്ചി റോഡിലൂടെ നിങ്ങളെ ലംബോര്‍ഗിനിയില്‍ കയറ്റി കൊണ്ടുപോയാല്‍ നിങ്ങള്‍ എന്നെ ചീത്ത വിളിക്കുമോ എന്നെനിക്ക് സംശയമുണ്ട് എന്നായിരുന്നു താരത്തിന്റെ മറുപടി.

ലംബോര്‍ഗിനി എത്ര വേഗതയില്‍ ഓടിച്ചിട്ടുണ്ട് എന്ന ചോദ്യത്തിന് ഇവിടെ നിന്ന് കൊച്ചിയിലെ തന്റെ വീട്ടിലേക്ക് ഒരു ഓട്ടോറിക്ഷയ്ക്ക് എത്ര വേഗത്തില്‍ പോകാമോ അത്രയും വേഗത്തില്‍ മാത്രമേ ലംബോര്‍ഗിനിക്കും പോകാന്‍ കഴിയൂ. അതാണ് നമ്മുടെ റോഡിന്റെ അവസ്ഥയുടെ യാഥാര്‍ത്ഥ്യം എന്നും പൃഥ്വിരാജ് പറഞ്ഞു. കോടി ക്ലബ്ബിൽ കയറിയ പൃഥ്വിരാജ് സംവിധാനം ചെയ്ത ലൂസിഫറിന് ശേഷം താരം അഭിനയിക്കുന്ന ചിത്രമാണ് കലാഭവൻ ഷാജോൺ സംവിധാനം ചെയ്യുന്ന ബ്രദേഴ്സ് ഡേ. ഐശ്വര്യ ലക്ഷ്മി, പ്രയാഗമാർട്ടിൻ, മിയ, മഡോണ സെബാസ്റ്റ്യൻ എന്നിവരാണ് ചിത്രത്തിലെ നായികമാർ

“Lucifer”
Share.

About Author

Comments are closed.