സോഷ്യല്‍ മീഡിയയില്‍ ചര്‍ച്ചയായി പൃഥ്വിരാജിന്റെ ടീ ഷര്‍ട്ട്. ബിലെന്‍സിയാഗ എന്ന അന്താരാഷ്ട്ര ബ്രാന്‍ഡിന്റെ ടി ഷര്‍ട്ട് ആണ് പൃഥ്വിരാജ് ധരിച്ചിരിക്കുന്നത്. പാരീസ് ആസ്ഥാനമായുള്ള ലക്ഷുറി ഫാഷന്‍ ബ്രാന്‍ഡാണിത്. എന്നാല്‍ ഷര്‍ട്ടിന്റെ വില അത്ര നിസ്സാരമല്ല. ‘ബിലെന്‍സിയാഗ’ ബ്രാണ്ടിന്റെ ഔദ്യോഗിക സൈറ്റില്‍ ഈ ടി ഷര്‍ട്ടിന് നല്‍കിയിരിക്കുന്ന വില 595 ഡോളര്‍ ആണ് അതായത് 44,266.51 രൂപ വില വരും.
ഏറെ നാളുകള്‍ക്കു ശേഷം വീണ്ടും ഷൂട്ടിംഗ് തുടങ്ങിയ വിവരം കഴിഞ്ഞ ദിവസമാണ് പൃഥ്വിരാജ് പോസ്റ്റിലൂടെ അറിയിച്ചത്. നേരത്തെ തന്നെ ഷൂട്ടിംഗ് ആരംഭിച്ച ‘ഭ്രമം’ എന്ന സിനിമയുടെ ബാക്കി ഭാഗങ്ങള്‍ കൂടി പൂര്‍ത്തിയാക്കാനുള്ള യാത്രാമധ്യേ പകര്‍ത്തിയ ചിത്രമാണ് താരം പോസ്റ്റ് ചെയ്തത്.
പൃഥ്വിരാജ്, ഉണ്ണി മുകുന്ദന്‍, മംമ്ത മോഹന്‍ദാസ് എന്നിവര്‍ പ്രധാന വേഷങ്ങള്‍ ചെയ്യുന്ന ചിത്രം രവി കെ. ചന്ദ്രനാണ് സംവിധാനം ചെയ്തിരിക്കുന്നത്. പൃഥ്വിരാജ് നായകനായ ‘കോള്‍ഡ് കേസ്’ കഴിഞ്ഞ ദിവസമാണ് ആമസോണ്‍ പ്രൈമില്‍ റിലീസ് ചെയ്തത്.
