ജോർഡാനിൽ നിന്നും ഷൂട്ടിങ് പൂർത്തിയാക്കി തിരിച്ചെത്തിയ പൃഥ്വിരാജ് തന്റെ ക്വറന്റൈൻ കാലാവധി കഴിഞ്ഞ ആഴ്ച പൂർത്തിയാക്കിയിരുന്നു. ഇതിന് ശേഷം ഭാര്യയേയും മകളേയും കണ്ടതിന്റെ സന്തോഷവും താരം തന്റെ ഫേസ്ബുക്ക് പേജിൽ പങ്കുവെച്ചിരുന്നു. ഇപ്പോൾ പൃഥ്വിരാജിന്റെ പുതിയ ഒരു വീഡിയോ സോഷ്യൽ മീഡിയയിൽ വൈറലാകുകയാണ്.
ഓച്ചിറ അമ്പലത്തിലെത്തി കാണിക്കയിട്ട് പ്രാര്‍ത്ഥിച്ച്‌ മടങ്ങുന്ന പൃഥ്വിരാജിന്റെ ചിത്രങ്ങളും വീഡിയോയുമാണ് ഇപ്പോള്‍ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. നീല ജീന്‍സും ടീ ഷര്‍ട്ടും അണിഞ്ഞുള്ള താരത്തിന്റെ വരവും കാണിക്കയിടുന്നതും തിരിച്ച്‌ പോവുന്നതുമാണ് വീഡിയോയില്‍ ഉള്ളത്. സോഷ്യൽ മീഡിയ ഒട്ടാകെ വീഡിയോ വൈറലായി കഴിഞ്ഞു. നിരവധി പേരാണ് ചിത്രത്തിന് കീഴില്‍ കമന്റുകളുമായെത്തിയത്. ഭാര്യയും മകളും ഒപ്പമില്ലാത്തതിനെക്കുറിച്ചായിരുന്നു ചിലര്‍ ചോദിച്ചത്.
കഴിഞ്ഞ ദിവസം അന്തരിച്ച തിരക്കഥാകൃത്ത് സച്ചിയുടെ വിയോഗം പൃത്വിരാജിനെ ഏറെ വൈകാരികമായി ബാധിച്ചിരുന്നു. സച്ചിയുമായുള്ള സൗഹൃദത്തെ കുറിച്ച് പൃഥ്വിരാജ് ഫേസ്ബുക്ക് പോസ്റ്റും കുറിച്ചിരുന്നു. സച്ചി സംവിധാനം ചെയ്ത അയ്യപ്പനും കോശിയും ആണ് പൃഥ്വിരാജിന്റെ അവസാനം റിലീസായ ചിത്രം.അനാർക്കലി എന്ന ചിത്രത്തിനുശേഷം പൃഥ്വിരാജും ബിജു മേനോനും സച്ചിയും ഒന്നിക്കുന്ന ചിത്രം കൂടിയാണിത്. അട്ടപ്പാടിയുടെ പശ്ചാത്തലത്തിലൊരുങ്ങുന്ന ചിത്രത്തില്‍ 17 വര്‍ഷം സേവനമനുഷ്ഠിച്ച ഒരു റിട്ടയര്‍ഡ് ഹവില്‍ദാറായി പൃഥ്വിരാജ് വേഷമിടുമ്പോൾ, ബിജു മേനോന്‍ നാട്ടിലേക്ക് സ്ഥലം മാറ്റം ലഭിച്ചെത്തുന്ന വിരമിയ്ക്കാറായ പൊലീസ് കോണ്‍സ്റ്റബിളായി വേഷമിടുന്നു.ഇരുവരും തമ്മിലുള്ള ഈഗോയുടെ കഥയാണ് ചിത്രം കൈകാര്യം ചെയ്യുന്നത്.
