ഒമര് ലുലു സംവിധാനെ ചെയ്ത അഡാര് ലൗ എന്ന ചിത്രത്തിന് ശേഷം പ്രേക്ഷക സ്വീകാര്യത നേടിയ താരമാണ് പ്രിയ പ്രകാശ് വാര്യര്. ചിത്രത്തിലെ മാണിക്യമലരായ പൂവി എന്ന ഗാനം റിലീസായ ശേഷമാണ് താരം സെല്സേഷനല് ഗേള് ആയത്. ചിത്രം റിലീസാകുന്നതിന് മുന്പ് തന്നെ ദേശീയ മാധ്യമങ്ങള് വരെ താരത്തിന്റെ അഭിമുഖത്തിനായി കാത്തിരുന്നിരുന്നു. പിന്നീട് വിവിധ ഭാഷകളില് ചിത്രം റിലീസ് ചെയ്തിരുന്നു. പിന്നീട് പ്രിയയ്ക്ക് ബോളിവുഡിലേക്കും അവസരം ലഭിച്ചിരുന്നു. ശ്രീദേവി ബംഗ്ലാവ് എന്നാണ് ബോളിവുഡ് ചിത്രത്തിന് പേര്. ചിത്രം റിലീസായിട്ടില്ല. പിന്നീട് നിരവധി പരസ്യ ചിത്രങ്ങളിലും പ്രിയ തിളങ്ങിയിരുന്നു.
ആദ്യം സോഷ്യല് മീഡിയയിലൂടെ ശക്തമായ പിന്തുണയായിരുന്നു താരത്തിന് ലഭിച്ചത്. പക്ഷെ പിന്നീട് പ്രോത്സാഹിപ്പിച്ചവര് തന്നെ താരത്തിനെ താഴ്ത്തികെട്ടാനും ശ്രമിച്ചിരുന്നു. നിരവധി ട്രോളുകളാണ് താരത്തിന് എതിരെ ഉയര്ന്നത്. ചുരുങ്ങിയ സമയംകൊണ്ടാണ് താരത്തിന്റെ ഇന്സ്റ്റഗ്രാം ഫോളോവേഴ്സിന്റെ എണ്ണത്തിന്റെ കാര്യത്തില് വര്ദ്ദനവ് ഉണ്ടായത്. മലയാളത്തില് ദുല്ഖറിനായിരുന്നു ഫോളോവേര്സ് കൂടുതല്, പ്രിയയ്ക്ക് ആരാധകര് വര്ദ്ദിച്ചതോടെ ദുല്ഖറിനെയും താരം കടത്തിവെട്ടി. നിലവില് 7 മില്യണിലധികം ഫോളോവേഴ്സാണ് താരത്തിനുള്ളത്. മലയാളത്തില് സംസാരിക്കാനറിയാമെങ്കിലും ഏറ്റവും അധികം ഫോളോവേഴ്സ് പുറത്തുള്ളവരാണ്. അതുകൊണ്ടാണ് ഇംഗ്ലീഷില് സംസാരിക്കുന്നതെന്ന് താരം അഭിമുഖങ്ങളില് പറഞ്ഞിരുന്നു.
ഈ അടുത്തായിരുന്നു താരം ഇന്സ്റ്റഗ്രാം അക്കൗണ്ട് ഒഴിവാക്കിയത്. ഒരു ബ്രേക്ക് എടുക്കണമെന്ന് ഉണ്ടായിരുന്നു അത്രയേ ഉണ്ടായിരുന്നുള്ളൂ , അതല്ലാതെ വലിയ കാര്യങ്ങള് ഒന്നും തന്നെ ഇതിന് പിന്നില് ഉണ്ടായിരുന്നില്ലെന്ന് താരം ഇപ്പോള് മനസ് തുറക്കുകയാണ്. ട്രോളുകള് കാരണമാണ് അക്കൗണ്ട് ഡീ ആക്ടിവേറ്റ് ചെയ്തത് എന്ന് പലരും പറഞ്ഞിരുന്നു പക്ഷെ അതൊന്നുമല്ല കാര്യമെന്നും താരം കൂട്ടിചേര്ത്തു.