കേരളത്തെ പിടിച്ചുലച്ചിരിക്കുന്ന വാളയാർ വിഷയത്തിൽ വികാരാധീനനായി നടൻ സാജു നവോദയ. വാളയാർ വിഷയത്തെ കുറിച് മാധ്യമങ്ങൾ ചോദിച്ച ചോദ്യത്തിന് മറുപടിയായി സാജു നവോദയയുടെ വാക്കുകളാണ് ഇപ്പോൾ സോഷ്യൽ മീഡിയ നിറഞ്ഞു നിൽക്കുന്നത്. പതിനെട്ട് വർഷമായി എനിക്ക് കുട്ടികൾ ഇല്ല, ഇനി എനിക്ക് കുട്ടികൾ വേണ്ട എന്ന് കണ്ണ് നിറഞ്ഞുകൊണ്ടാണ് അദ്ദേഹം മാധ്യമങ്ങളോട് പറഞ്ഞത്. വാളയാറിലെ സംഭവച്ചത് പോലെ ഉള്ള സാമൂഹ്യ ദ്രോഹങ്ങൾ ഇനിയും ആവർത്തിക്കും എന്നും, ദൈവത്തിന്റെ സ്വന്തം നാടായ കേരളത്തിൽ കുട്ടികൾക്ക് സുരക്ഷിതത്വം ഇല്ല എന്നു അദ്ദേഹം പറഞ്ഞു.
വാളയാറിൽ രണ്ട് പെൺകുഞ്ഞുങ്ങൾ പീഡിപ്പിക്കപ്പെടുകയും തുടർന്ന് തൂങ്ങി മരിച്ച നിലയിൽ കാണപ്പെടുകയും ചെയ്ത കേസിൽ കൊലപാതകമാണ് അതെന്ന് തെളിവില്ലാത്തതിനാൽ പ്രതികളെ വെറുതെ വിട്ടെന്ന വാർത്തകൾ മലയാളികളെ ഒന്നാകെ ഞെട്ടിച്ചിരിക്കുകയാണ്. ഇപ്പോഴിതാ മലയാള സിനിമ ലോകവും മലയാളികളുടെ പ്രതിഷേധത്തിന് കൂട്ട് ചേർന്നിരിക്കുകയാണ്. കേസ് അട്ടിമറിക്കപ്പെട്ടു എന്ന് കേൾക്കുമ്പോൾ ഓരോരുത്തരുടെ നെഞ്ചിൽ തീയാണ് ഉരുത്തിരിഞ്ഞിരിക്കുന്നത്. നിയമവ്യവസ്ഥിതിയുടെ കഴിവുകേടാണ് ഇതെന്ന് എല്ലാവരും തന്നെ ഉറപ്പിച്ചു പറയുന്നു. പിഞ്ചു കുഞ്ഞുങ്ങളുടെ ജീവൻ അപഹരിച്ചവരെ വെറുതെ വിട്ട നിയമം മനുഷ്യത്വമില്ലായും നീതി നിഷേധവുമാണ്. ഇത്തരം സംഭവങ്ങൾ ആവർത്തിക്കാതിരിക്കാൻ പ്രതികൾക്ക് അർഹിക്കുന്ന ശിക്ഷ ലഭിക്കുന്നത് വരെ ശക്തമായ പ്രതിഷേധങ്ങൾ ഉയർന്നു വരേണ്ടത് നമ്മൾ ഉൾപ്പെടുന്ന സമൂഹത്തിന്റെ കൂട്ട ഉത്തരവാദിത്തം കൂടിയാണ്.