ഒരുപിടി നല്ല ചിത്രങ്ങളില്‍ അഭിനയിച്ച് മലയാളികളുടെ പ്രിയപ്പെട്ട നടിയായി മാറിയ താരമാണ് സംയുക്ത വര്‍മ. ബിജു മേനോനുമായുള്ള വിവാഹത്തിന് ശേഷം താരം അഭിനയജീവിതത്തില്‍ നിന്ന് മാറി നില്‍ക്കുകയാണ്. പ്രണയിച്ചാണ് താരദമ്പതികള്‍ വിവാഹം കഴിച്ചത്. 2002ല്‍ ആയിരുന്നു എല്ലാവരുടെയും അനുഗ്രഹത്താല്‍ ബിജു മേനോന്‍ സംയുക്ത വര്‍മ്മയുടെ കഴുത്തില്‍ താലി ചാര്‍ത്തിയത്.
സിനിമയില്‍ നിന്നും വിട്ടു നില്‍ക്കുകയാണെങ്കിലും സംയുക്ത സോഷ്യല്‍മീഡിയയില്‍ സജീവമാണ്. താരത്തിന്റെ യോഗകളും കുടുംബ ജീവിതവുമെല്ലാം സോഷ്യല്‍മീഡിയയില്‍ അപ്ലോഡ് ചെയ്യാറുണ്ട്.
ജയറാം നായകനായ വീണ്ടും ചില വീട്ടുകാര്യങ്ങള്‍ എന്ന ചിത്രത്തിലൂടെയാണ് താരം വെള്ളിത്തിരയില്‍ അരങ്ങേറ്റം കുറിച്ചത്. പിന്നീട് നിരവധി സൂപ്പര്‍ഹിറ്റ് ചിത്രങ്ങളില്‍ സംയുക്ത അഭിനയിച്ചിരുന്നു. 2006ല്‍ ആയിരുന്നു താരങ്ങള്‍ മകന്‍ പിറന്നത്.
മകന്റെ പേര് ദക്ഷ് ധാര്‍മിക് എന്നാണ്. ആഭരണങ്ങളോട് പ്രത്യേക താത്പര്യമുള്ള സംയുക്തയുടെ എല്ലാ ചിത്രങ്ങളിലും കയ്യില്‍ ചുറ്റിപ്പിണഞ്ഞു കിടന്നിരുന്ന രുദ്രാക്ഷമാലയെ ക്കുറിച്ച് ആരാധകര്‍ ചോദിക്കാറുണ്ട്. ഇപ്പോഴിതാ താരം ആ മാല ഉപേക്ഷിച്ചിരിക്കുകയാണ്. തന്റെ ബലമായിരുന്നു ആ മാല. എപ്പോഴും ഒരു ശക്തി എന്നോടൊപ്പമുണ്ടെന്ന് സാക്ഷ്യപ്പെടുത്തുന്നതായി തോന്നുമായിരുന്നു. പക്ഷേ, മനസിന് അങ്ങനെ ഒരു ഉപാധിയും വേണമെന്നു ഇപ്പോള്‍ തോന്നുന്നില്ല. മനസ് തന്നെയാണ് ശക്തി എന്ന് തിരിച്ചറിഞ്ഞു അതിനാല്‍ ആ മാല ഉപേക്ഷിച്ചുവെന്നും താരം കൂട്ടിചേര്‍ത്തു. താരത്തോട് പ്രേക്ഷകര്‍ സോഷ്യല്‍മീഡിയയിലൂടെ നിരവധി തവണ ആ മാലയെ ക്കുറിച്ച് ചോദിച്ചിട്ടുണ്ട്.
