അടിപൊളി ഗാനങ്ങളും മെലഡികളും ഒരുപോലെ വഴങ്ങുന്ന ഗായികയാണ് സിതാര. കൈരളി ടി വിയിലെ ഗന്ധർവ്വസംഗീതം എന്ന പരിപാടിയിലൂടെയാണ് സിത്താരയെ മലയാളികൾ പരിജയപ്പെടുന്നത്. അതിശയൻ എന്ന ചിത്രത്തിലൂടെ മലയാളത്തിലെ പിന്നണി ഗായികയായും താരം മാറി. ഇൗ കഴിഞ്ഞ ഓണ കാലത്ത് ലാലോണം നല്ലോണം എന്ന പേരിൽ ഏഷ്യാനെറ്റിൽ ഒരു പ്രോഗ്രാം അവതരിപ്പിച്ചിരുന്നു. നിരവധി താരങ്ങൾ പങ്കെടുത്ത പരിപാടിയിൽ സിത്താരയും ഒരു അംഗം ആയിരുന്നു. സിത്താര ഒരു മമ്മൂട്ടി ആരാധിക ആണ്. എങ്കിലും ആദ്യമായി മോഹൻലാലിനെ കാണാൻ കഴിഞ്ഞതിൽ ഉള്ള സന്തോഷം താരം ഇപ്പോൾ പങ്കുവെക്കുകയാണ്. കുറിപ്പിലൂടെ ആണ് താരം ഇത് വ്യക്തമാക്കിയത്.
പോസ്റ്റ് :
ഓർമയോളം പഴക്കം കാണുമല്ലോ ഈ മനുഷ്യന്റെ മുഖത്തിനോടും, ശബ്ദത്തിനോടും, ഉള്ള പരിചയത്തിന് !!പണ്ടേക്കുപണ്ടേ വീട്ടിൽ മമ്മുക്ക ഫാൻസും, ലാലേട്ടൻ ഫാൻസും പാപ്പാതി അളവിൽ ഉണ്ടുതാനും ! രണ്ടുപേരെയും നേരിൽ കണ്ട ഒരേയൊരു കുടുംബാംഗം എന്ന ചരിത്ര പ്രധാനമായ ആ പദവി എനിക്ക് സ്വന്തം !!! ചെറിയ ഗമയൊന്നും അല്ല എനിക്കിപ്പോൾ വീട്ടിൽ !!! ഫാമിലി ഗ്രൂപ്പിലെ മമ്മുക്ക പക്ഷക്കാരിയുടെ, ലലോണം അനുഭവങ്ങൾ അറിയാൻ കാത്തിരുന്ന ലാലേട്ടൻ വിഭാഗക്കാരുണ്ടായിരുന്നു !!
നേരിൽ കണ്ട നിമിഷം കിരീടവും, ഭരതവും, കിലുക്കവും, യോദ്ധയും, സദയവും, വാനപ്രസ്ഥവും….. അങ്ങനങ്ങനങ്ങനെ ഒരു നൂറു മുഖങ്ങൾ മിന്നൽ വേഗത്തിൽ മനസ്സിലൂടെ കടന്നുപോയി !!
സ്നേഹം, ബഹുമാനം, അത്ഭുതം !!!