മോഹൻലാൽ നായകനായി എത്തിയ ലൂസിഫർ ഒരു മാസം പിന്നിടുമ്പോഴും റിലീസിംഗ് കേന്ദ്രങ്ങളിൽ നിറഞ്ഞ സദസ്സിൽ തന്നെ പ്രദർശനം തുടരുകയാണ്. പൃഥ്വിരാജ് സുകുമാരൻ ആദ്യമായി സംവിധായകന്റെ വേഷമണിഞ്ഞ ലൂസിഫർ മലയാള സിനിമയിലെ എക്കാലത്തെയും വലിയ ഹിറ്റ്ലേക്കാണ് നീങ്ങിക്കൊണ്ടിരിക്കുന്നത്. മുരളി ഗോപിയുടെ ഗംഭീര തിരക്കഥയും ദീപക് ദേവിന്റെ ചടുലമായ പശ്ചാത്തല സംഗീതവും ചിത്രത്തിന് പുതിയ മാനങ്ങൾ സമ്മാനിച്ചു. അടുത്തകാലത്ത് മലയാള സിനിമ കണ്ട ഏറ്റവും മികച്ച മാസ് മസാല ചിത്രമായി തീരുവാൻ ലൂസിഫറിന് ഇതിലൂടെ സാധിച്ചു . ഇതിനിടെ ലൂസിഫറിനെത്തേടി ആദ്യപുരസ്കാരം എത്തിയിരിക്കുകയാണ് ഇപ്പോൾ .
2019 ലെ ഏറ്റവും മികച്ച ആക്ഷൻ ഡയറക്ടർക്കുള്ള മഴവിൽ മനോരമ എന്റർടൈന്മെന്റ് അവാർഡ് ആണ് ഇപ്പോൾ ലൂസിഫറിന്റെ ആക്ഷൻ ഡയറക്ടറായ സ്റ്റണ്ട് സിൽവയ്ക്ക് കിട്ടിയിരിക്കുന്നത്. ലൂസിഫറിന് കിട്ടുന്ന ആദ്യ അവാർഡ് എന്ന നിലയിൽ തന്റെ ആരാധകർക്ക് നന്ദി അറിയിച്ചിരിക്കുകയാണ് സിൽവ. തൻറെ ഫേസ്ബുക്ക് പേജിലൂടെയാണ് സിൽവ നന്ദി അറിയിച്ചത്. അടുത്തകാലത്ത് മലയാള സിനിമ കണ്ട ഏറ്റവും മികച്ച ആക്ഷൻ സിനിമകളിൽ ഒന്നായിരുന്നു ലൂസിഫറിലേത്. പ്രത്യേകിച്ചും മോഹൻലാൽ കാണിച്ച മെയ്വഴക്കം തിയേറ്ററുകളിൽ ഏറെ ആവേശം സൃഷ്ടിച്ചു .ലൂസിഫറിന്റെ ഈ വലിയ വിജയത്തിന് സഹായകമായതും ഈ മികച്ചു നിന്ന സ്റ്റണ്ട് സീനുകൾ തന്നെയായിരുന്നു.